رباعيّات " طفل " ..!

خالد العتيبي · 15-06-2006, 03:22 AM

.
.
.
- الفصحى .. ماتوكل عيش -

.
.
.
-1-

شاعر :جناية قصيدة ، ويتهجّى الناس حوله=فكـرته تحبس نفسِه ، وبيته يزلـزل كيانه
لـ إرتكب بيتين غنّى ، وإبتهـج كلّه طفولة=طفلٍ أكبر من طموح ، وزائده عمره مكانة
ينتهي بدروب حلمه لحظة إنجاز وبطولة=سامره ضحكة حجاج ، وهيجنة باقي زمانه
يكتبه داخل عيون النّاس حرفٍ مايقوله=لين يطـرب داخله .. ويدندنه " ياليـل دانة "

.
.

خالد العتيبي · 15-06-2006, 03:25 AM

.
.
.
-2-

لغيابك أيّام وللعرب كانت أيّام=الفرق : يومٍ تغيبينه يساوي عروبة
أيّامهم تبطي مجرّد سيرة أيّام=أيّامهم كذبة تواريخ وملاحم كذوبة
ولحظتك غيمة بنت . لاوالله أريام=تلثّغي رقة وبصرة ودجلة عذوبة
قولي لهم وشلون لـ..غبتي أيتام=فقدك ، وأنا ، وأركان بيت مغلوبة

.
.

خالد العتيبي · 15-06-2006, 03:45 AM

.
.
.
-3-

جارفة ، ملمومةٍ ، لو مالت بالسنابل=تستميل الغيمْ غيّ وتسلبه بعيونها
فوضويّة ماتشابه غير ربكات الذوابل=عابثة ، صعبة مِراس وتنتهي مجنونها
ضحكة مقالبها زمان. إلا في المقابل= لـ..أطروا "التسطير" وسلهمت بجفونها
كبّروها "للنقاب"، وعلموها من تقابل=وأتركوها داخلي ، وأحترق بـي كونها

.
.

خالد العتيبي · 15-06-2006, 03:53 AM

.
.
.
-4-

مرحباً مليون ومئـات=ضيف ياللي له لفيـت
وها.."الكريمة يده" جـات=تحتفل بي وأحتفيـت
ومن سرى مثلك يبات ؟=لا وربّ البيت .. جيت
وجات أصيلة عاديات=مهرةٍ عن مليون بيت

.
.

خالد العتيبي · 15-06-2006, 03:56 AM

.
.
.
-5-

همسك أشعار أمسيات=وشاله الخفّـاق بيـت
وليلة السكّـر نبـات=لـ.أبيض الطرحة سريت
هييه يامجموعة بنات=لا .. يابعد كل البنيت
مرحباً مليون ومئـات=ضيف وفـ.يدك ارتميت

.
.

خالد العتيبي · 15-06-2006, 04:48 AM

.
.
.
-6-

على كثر الغياب وجمرتـه داخـل يتيـم أبويـن=فقدهم منتصف ضحكة .. وبأول عامـه الثانـي
وعلى كثر الجروح اللـي بالنجف/ومخيّمات جنيـن=جروحٍ في جَسَد أمّة .. وقلبـي شعـب ويعانـي
وعلى كثر الفرح بعيـون طفـلٍ جمّـع العيديـن=مقصده سرقة "التوفي" .. وثوبٍ يرتوي "شانـي"

وعلى كثر ..
وعلى كثر ..
وعلى كثر ..

وعلى .بعدين؟=عجزت أحصي لك اللهفة .. وأعد الشوق ماأمداني

.
.

لوحة التميّز الشهري (قريباً)

قريبا	قريبا	قريبا	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)