ضحكة الناب ؟؟

[وليد الخالد]

يلي قريت الحزن في ضحكة الناب
لو الحزن سولف حشا ما شرحني
حزن ٍ يشيب في عيوني ولا شاب
ما ذمتة نفسي وهو ما مدحني
حتى غدا لضلوعي العوج حطاب
الفاس في كفه والاسباب تحني
مابين بعده والوصل صعب الاحساب
ولاهو كفاني شره ألي ربحني
بأسباب منهو للمحاديب طلاب
ولامن سليت شوي طيفة سرحني
منهو يقول ان الذكاء عند الالباب
شفني معه كبر الذكاء وش منحني
ان قلت مانحني صباحات كذاب
لا واللة الا قل ظلام اكتسحني
والحب كنة نخوة اشناب لـشناب
ونا اشهد انة لا قدحني قدحني
اطوي على شانة ثمانين مرقاب
وتصير صعبات الطواريق لحني
ابني علوه وفقد قراب وصحاب
و من سبة جنوني علوه طرحني
ويوم الوداع اعلن وظن الهوى خاب
روح ولكن للأسف ما كبحني
هذي سنة كنت حسب الجرح بي طاب
والبارحة طيفة لفا وش جرحني
جاني ينشد ني عن علوم الاحباب
مايدري انة في سؤالة ذبحني
ياكيف اجاوب والوصل موصد الباب
والهجر ملعون الصلايب لفحني
عن ا لشماتة قلت لة دايم قراب
لكنّ دمع العين هل وفضحني




عيد السعدوني



حاولت ان اقتبس بيت جميل واتضح لي ان القصيده تفوق الوصف


يامرحبا بك في منتديات منابع الأدبيه


وبين اخوانك


وصح الله لسانك .. ولله درك


على هالقصيده الرائعه والجزله والممتازه


دمت بهذا الأبداع


..