للحفظ . !

[الرحّـــال]

:)

صدقتي..وش لنا بالحب..وهذي سيرة اجروحه=ولو ماتجرحين أنتي..جرحني فيك موّالي!
وانا ويني ووين الحب..دامك باقي اطروحة=فشلت وضاعت آمالي..لحاك الله ياآمالي!

.


!

[الرحّـــال]

.

.

وين أنا..من فكرة الورد..في فصل الخريف=إعتقادي بك وهم..والأماني مُتعبة!
سايريني..لايهمك من الوجد الشفيف=كلها ..لعبة حياة..وسياسة مُرعبة
كان انا بعيونك أنتي..مثالٍ للضعيف=أضعفيني بالوهم زود..وأنتي مُغربة
ماعليك من المبادئ على وضعٍ سخيف=يرفع الساذج وراعي المبادئ يغصبه

.


!

[الرحّـــال]

(الغلا مُتعَب)

لك وجودٍ..لو يمارسه الغلا..ما يندثر=لكن الساعة ظلال وباقي أوقاتك هجير!
لو تلمّين الندى في وردك إلا ينتثر=ينثر العطر وتذوبه..قبلي أنفاس العبير
لا تلومين المشاعر..لا طغت لحظة أثر=لو عرفتي وش ضياعك..ما صمدتي للأخير!
بالعيون اللي حرمتيها النظر حفّ البثر=كالرمد والدمع حارق والحفا ماله عشير!
وين أودّي منك وجه الشعر وإحراجه كثر=صرت من طاغي عنادك..أبكم العبرة فقير!
الغلا..مُتعَب حبيبي..مع دمائي لو خثر=ماشرهت إلا على قلبك..وقولي:يستثير!
أنتي اللي دون غيرك..دونها عمري عثر=صح ما جيتي بليلي..لكن الحاضر غفير!
ماعليك..الحب حبك..والهوى بك يدّثر=وأنتي وخصلة شعرك وليل ووسادة حرير!

.

!