مقدر أعيش الحب وغيري بذاتك

[خالد بن علي]

حضوري الأول عسى أن ينول
على رضاكم

مجبور أرحل وانسحب من حياتك=مقدر أعيش الليل بك لين أبـداك
ودّي نهار الصبح يضوي جهاتك=وتشع معالم صورتي (إب)زواياك
واسكن ثنايا ديرتك (إب)غناتـك=ولمس لضا شوقك بكفّي ويمنـاك
وروي ضما شوقي بلمسة شفاتك=واحضن عنا خوفي بضمّة حناياك
جيتك أدوّر عـن بقايـا سواتـك=وامشي خطاوي رحلتك كيف ألقاك
مقدر أناظر دمعتي (إب) عباتـك=تشكي وجودي تبكني كيف أسلاك
تذكر عطايا غربتي (إب)عناتـك=يامـا تحمّلتـك ويامـا ترجّـاك
إتروف بللّي ضاع عمره بلاتـك=يجمع سنينه غم ودايـم تحـرّاك
لالا تعذّر بالتعـب كيـف فاتـك=إنّك تشوف الليل بك كيف ينساك
يشرق نهار الصبح تلقى مناتـك=تجمع فواصل غربتك لين تقـواك
أرجوك يكفي وش بقا من حلاتك=عطني أبي شيٍ يعـزّي حكايـاك
مقدر أعيش الحب وغيري بذاتك=مجنون وشبك وش علامك تحدّاك
إن كان تقوى هاك واعلن مماتك=ورْني ملامح دمعتك (إب)محايـاك
أرجوك إبعد روح أرفض عطاتـك=مقوى على ذبحي ولو كنت أهواك

[ونين]

اخي خالد بن علي

صح لسانك و سلم بنانك

قصيدة رائعة بروعة حضورك،تشرفت بمعانقة حروفها

تقبل خالص تحياتي

اختك ونين

[فهد الدباسي]

خالد بن علي


ياهلا و مرحبا


شرفتنا بـ حضورك يا خالد


حضوري الأول هذا لـ الترحيب


و لـ النص عودة مستقلة



سـ أعود

[محمد الفرحان]

.

.

متعدد المواهب

خالد بن علي

( عناد كاتب )

.

.

مرحبا تراحيب المطر والسيل

وحياك الله بمنابع الشعر والأدب

والمحل محلك طال عمرك وكلنا

ضيوفك . . .

.

.

حضور على عجل للترحيب

وسيكون لي عوده ان شاء

الله . . .

.

.

دمت كماتحب

.

.

[التميميه]

مقدر أعيش الحب وغيري بذاتـك
مجنون وشبك وش علامك تحدّاك
إن كان تقوى هاك واعلن مماتـك
ورْني ملامح دمعتك (إب)محايـاك
أرجوك إبعد روح أرفض عطاتـك
مقوى على ذبحي ولو كنت أهواك


رااائعه

صح لسانك مليون ولايكفون

كتبت فابدعت

وصف يفوق الوصف

دمت مبدعا

[محمد ال مهيد]

الاخ الغالي خالد بن علي

مرحبا بك تراحيب المطر والسيل

المحل محلك ونحن ضيوفك

حضوور للترحيب والحجز

وسيكون لي عوده لهذه الفاتنه

اخوك محمد

[مزون المحمد]

.
.

حضور أول


ولي عودة

.
.

[سطام العنزي]

صح السانك .. ويسلم راسك

ماقصررت .. ولاهنت

تحياتي لك

[فهد الدباسي]

النقي / خالد بن علي




نص رائع و لافت


أشبه بـ الحوار لـ إيصال تلك الفكرة الرائعة


استمتعت هنا بـ قراءة العذوبة مع روعة السبك و عمقه


صح لسانك و لاهنت

تقبل تحياتي

[مزون المحمد]

خالد بن علي


قصيدة رائعة


قرأناها بروعة الحرف وجماله

لله درك

دمت بخير