بقعة ضوء (خاصة باوراقي )

[غاردينيا]

بيك بثلاثة الاف ليرة فقط

جلس علي على الكرسي وهو يتقهقه فرحا فساله عامر ممكن اعرف شو يلي مضحكك ومفرحك هيك
علي مبارح عشت بيك من الصبح للمسا
عامر بيك انت و(تقهقه هو الاخر )
علي شفت وهي انت كمان ضحكت بس انا عنجد مبارك كنت بيك وابن بيك كمان
عامر طيب احكيلي شو القصة بس لحظة لنطلب كاستين شاي وبتحكيلي ع رواق
وامسك عامر سماعة الهاتف وطلب من الاذن كاستين شاي
عامر وانا عم اسمعك احكيلي لشوف كيف موظف اندبوري متل عاش مبارح بيك ابن بيك
علي هاد يا سيدي صرلي اسبوع عم فكر بهل موضوع والله حابب عيش بيك ولو ليوم واحد
قمت اخدت من راتبي ثلاثة الاف ليرة وشوف شو عملت فين
اول شي رحت واخدت غرفة بفندق ما خمس نجوم بس ماشي حالو ودفعت 500 ليرة
ونمت شو نومة والله اشتهيتك فيها رخاء وهدوء ونعيم غير شكل
عامر أي كمل
علي ووصيتن يفيقوني الساعة 12 الظهر ويبعتولي الجريدة وفنجان القهوة وما كذبوا خبر
تاني اليوم برن التلفون وبرد ان بتكاسل وبقلن
أي فقت شكرا لاطولوا بالقهوة
وبعدين قمت وصحصحت وجابولي القهوة والجريدة وقعدت اشرب القهوة وانا عم اتصفح الجريدة بعدين انزلت وخبرتن اني طالع اتغدى برى واذا حدا سال عني يترك خبر
وبعدين ركبت بالسيارة الي انا متفق مع صاحبها يبقى معي كل اليوم 500 ليرة وانطلق فيني وسالني وين يابيك
قلتلو اطلاع ع بلودان بدي اتغدا هنيك
عامر والله عبلودان ايامك
علي أي ورحت عبلودان واخترت مطعم شغلة
زطلبت غدا لشخص دفعت 600 وبعد الغدا قلتلو لشوفير يلف فيني الشام بشوارعها كلها وهيك عتمت الدنيا بعدين قلتلو اسحاب فيني ع قاسيون واطلعت ع قاسيون وباحلى قعدة قعدت
وطلبت قهوة ونفس اركيلة عتفاحتين
وتفرج الشام قدامك اجمل لوحة بهل ليل
بعدين اطلبت عشا خفيف
وهيك صارت الساعة وحدة بليل وهل يوم خلص
ودفعت 1400 وهيك صرت دافع ثلاثة الاف وعشت بيك
عامر والله قصتك عجيبة
وقف لاحسب قدي بكلف البيك لشهر كامل