طول عمر مرسالي

[شوق البراري]

للحين ناطر وش تقولين للحين
طوّل عمر مرسالي اليوم طوّل
عودّتِ قلبي بالمراسيل تبدين
واشوف ظني عن مساره تحوّل
إن كان ودّك أحرف السير قولين!
أدري تقولي مسرعه بس أوّل
واضح مرادك من هل الطيب واللين
لبيه والله اللي على الطيب عوّل
إن كان طيبي ساس كل اللي تبنين
قطعت راس الطيب والفاس موّل
ماعدت ذاك اللي على الكيف تبغين
وماعدت ذاك اللي تعرفيه أول!
ذمي وذمي كان ودك تذمين!
مثلي من اذمومك أبد ما تحوّل
اللي يجي بالقص ما يريد سكين
دامه يجي بالقص ليه اتحمل؟!
عندك خصائص ثانية وغير للطين؟
لله! ومثلي بغيرها ما تأمل

[الطيبة]

[شوق البراري]

سلمك الله إختي / الطيبة
شكرا لمرورك
مع التحية

[قديم الشوق]

شوق البراري

صح لسانك

قصيدة جميلة ومعبرة

الله يعطيك ألف عافية

وتقبلي فائق تقديري واحترامي

[شوق البراري]

صح بدنك أستاذي العزيز
"مرورك بقصيدتي شرف لي"
والله يعطيك العافية

[بسكوته]

وماعدت ذاك اللي تعرفيه أول!
ذمي وذمي كان ودك تذمين!
مثلي من اذمومك أبد ما تحوّل

صح لسانك

مميزه كلماتك

[ذكريات]

ابدعت شاعرنا البديع

[جنون قلم]

صح لسانك

تحياتي لك ولقلمك

[شوق البراري]

الأخوة :
بسكوتة / ذكريات / جنون قلم
إمتناني لمروركم بموضوعي
مع التحية

[نداء الذات]

يعطيك العافيه

مميز موضوعك