ياهبوب الريح هبي واسعدي بر ومدينه

[وحيدة المشاعر]

المشاركة الأصلية كتبت بواسطة وليد الحميد

صباح / مساء الخير
انشالله الجميع بصحة وعافيه ...


وينــــــــها ..
ليه راحت ..
بدون موعد سافرت ..
ليه ماحطت خبر ..
غابت طيوفها ..
وتركتني للسهر ..

ياهبوب الريح هبي وأسعدي بر ومدينه=واسأليلي عن حبيبي فتشي كل الزوايـــــا
اسألي موج البحور وماجرى به من سفينه=والمواني والسواحل والبدو واهل القرايـا
واسألي رمل الصحاري والنفل والياسمينه=عن حبيبٍ من عرفته مسكنه كامل حشايــا
و الطيور وما عرفتي كل حدٍ تا صلينه=خبريهم بالهبات و بشريهم با لعطايــــــــا
وان عرفتي شي عنها عزوتي لاتكتمينه=لامجالاً للمزوح ولا سماحً فالخطايــــــــا
منك برق ومنك رعد وكل خير خابرينه=منك ينسام العليل وفيك ياكثر السجايــــــا
اشفي القلب العليل وريحي باقي سنينه=عن حبيبً غاب عني علتي واكبر بلايــــا
اعشقه واحسد عيونً تنظر بطلة جبينه=بلسمً للروح شافي فيه ياكثر المزايـــــــــا
كفها كل الحنان وقربها برد وسكينه=لاجلها تهزم جيوش ولاجلها تمحى سرايا
والثغر كل الجمال ولايطابق راسمينه=لو جمعنا من يوصف مانصف كل الروايا
شعرها ملمس حرير ولايحصل لايمينه=كايدة كل البنات وفاتنه بين الصبايـــــــــا
جيدها جيد الغزال اللي يعذب قانصينيه=لو حزوله كل مرصد مايصيدونه حكايــا
لاضحوك ولاهروج ولامطالعها حزينه=جامعه منا ومنا كل ميزات الحلايــــــــا
كنها الا عقد لولو في بلاده صايغينه=لايبيعونه ثمين ولا يزفونه هدايـــــــــــا
نظرة الطرف الكحيل تخلي الدنيا طحينه=لاجلها تصبح طعون ولاجلها تمسى منايا
مشيها عفه وقار وثابته بالزين زينه=لو مشت دون الحجاب ولو تغطت بالعبايا
طولها محسود فيها لانحيل ولامتينه=تنفتن منها عيون وتنحسد فيها مرايــــــــا
عهدنا بالحب باقي والله انا حافظينه=كيفها عقب الفراق وليه تبخل في لقايــــــا
قربها روح وحياه وبعدها موت الغبينه=عقبها عشت العذاب وحيل باعدني هنايـــا
افترقنا ليه مدري كيف كلش جاهلينه=ساعةً ربي كتبها كانت لهمي بدايـــــــــــا
هبهبي ياريح واجري وابحثي عنها ثمينه=واخبريني عن خبرها هم مافارق سمايــــا
واخبريها عن وليد وقولي انتي نور عينه=عقبك ابن حميد قاضي اسعفي فيه البقايـــا
ياعسى ياتي خبرها عيد يمي تحملينه=وافرح بزهرة حياتي واكتب لهمي نهايـــا
وان عرفتي شي قاسي عن خبرها مثبتينه=كبلي معه الحياه وطيبي مطرح ثرايــــــا

وسلامتكم ..

الله ..
الله ..
الله ..

كم انت رائع وليد الحميد ..


تسلم يمينك ..

وصح لسانك مليون ..

راقية جدا قصيدتك ..

والارقى اسلوبك وعذب الحزن فيها ..

استمتعت بكل جوراحي بهذه القصيدة ..

(( ان السكوت في حرم الجمال جمالُ)) هذا اللي اقدر اقولة ..

تقبل مروري المتواضع ايها الشاعر الجميل ..

مع خالص تحياتي ..

وحيدة المشاعر