سفر غيمة / وترنيمة وتر .. ( يا كثر ما غشتني أحلامي !! .. للعرابي ) .....

[شيمة]

.


النص

طبع المحب يشب سامحني على كثر العتـاب=لو ادري ان الصدق كذبه ما بحثت اسبابهـا
لو علموني قبل لا يرمون في صدري حـراب=يمدينـي آخـذ للمعـارك سيفهـا وحرابهـا
خرجت من حلمي وعلمي توّه ألبسني ثيـاب=عزالله إني لآدفن أحلامـي وأهيـل ترابهـا
ياكثر ماغشتني أحلامي وضّيعـت الحسـاب=ما تنكشف بـدري وتتركنـي وتقفـل بابهـا
هاك إعترافاتـي وسجلهـا وضمّنهـا كتـاب=وأرسم معاناتـي بعدعـاش الظـلام وجابهـا
ماني غبي حتى أعطي الما طالبه واظما سراب=ولانـي نبـيّ أمـه ينزّلـه وحـيْ بكتابهـا
شاعر سأله الهم عن ماتم وأعطـاه الجـواب=محتاج يخرج من غبىْ الرحله ولا يشقى بهـا
والعمر ميدان التجارب والخطا غيرالصـواب=والروح عيّـت لا تناسبهـا فنـون أحبابهـا
ياقلب صبرك معجزه لو فالصخر ما فيـك ذاب=أنا أشهد إنك مـا تليـن وللسنيـن حسابهـا
يفداك كل اللي مضى يا قلب من حب وعـذاب=وتفداك كـل التضحيـات وخيلهـا وركابهـا
ويفداك من يقفل ويفتح للفرح والحزن بـاب=ويفداك من بكّى العيون اللـي تبـل أهدابهـا
والشعر سيفك والقصايـد لاتـذل ولا تهـاب=إضرب على روس الهموم اللي طوال رقابهـا
بكره يطيب الجرح (وتعلّه مراويح السحـاب)=وتموت كل الذكريات اللـي يحـوم غرابهـا