الليل صمته يخوف لو ستاره متين

[حسين النجراني]

السلام عليكم ورحمة الله وبركاته

اسعد الله اوقاتكم بكل خيراصافحكم بهذه المتواضعه متمنيا ان تحوز على استحسانكم

البارحه والغياب يفجّ قلبي الحزين=والشوق مثل النار وضلوع صدري حطب

ملّيت طول انتظار والفجر عيّا يبين=وانا آتساءل غيابك ليه ويش السبب

الليل صمته يخوّف لو ستاره متين=وبيني وبينه بعض الاحيان قصّة عتب

احسّ في صدري من الضّيقه كلامٍ دفين=ازريت اقوله واحاول فيه لو ينكتب

مالي جدى غير دمعٍ تذرفه كل عين=يسوق وبله ظمى الفرقى وذكرى تعب

ياصاحبي والغرام احساس وصل وحنين=يحييه صوتٍ يجرّه ناي عود القصب

والحب نسمه تمُر القلب في كل حين=والعمر وان طال بعض ايّام ماتنحسب

ياصاحبي والقلوب القاسيه لو تلين=يمدي اليتامى تعيش وحقّها ماسِلب

كم واحدٍ لو سألته قال حالي مدين=لا عاد تنشد تزيد النّار واقد لهب

يقول حالي عدام اشلون وضعي يزين=لا صار مالي مع الدّولار وصل ونسب

يشكي من القل والفاقه ويبغى عوين=ويصيح ويطرّ جيبه كيف يا للعجب

لا صار بيدّه شنق حاله وهو مستهين=وش حاجة الناس ذا يكره وهذا يحب

ياكثرهم في الشوارع ناس متسوّلين=ماعاد تدري زكاة المال فيمن تجب

[/poem]



وسلامتكم

اخوكم/ حسين النجراني

[العف الخجول]

المشاركة الأصلية كتبت بواسطة حسين النجراني

البارحه والغيـاب يفـجّ قلبـي الحزيـن والشوق مثل النار وضلوع صدري حطب ملّيت طول انتظار والفجـر عيّـا يبيـن وانا آتساءل غيابك ليـه ويـش السبـب

[قديم الشوق]

الشاعر / حسين النجراني

صح لسانك

مبدع دائما ً

لي بعض الملحوظات سأعود لها لاحقا ً

وتقبل فاائق احترامي

[رمثي رحيمه]

ياسلام ياحسين
صح الله منطوقك ملايين ولاهان راسك على هالنص
المميز
تقديري

[زهر البيلسان]

وعليكم السلام ورحمة الله وبركاته

أحسنت أخي الكريم

حسين النجراني

صح الله لسانك ولا هنت

على هالقصيدة الجميلة رغم حزنها الواضح الذي زادها جمالاً

أبدعت في العنوان والمضمون أكثر إبداع

يعطيك العافية

مع وافر احترامي وتقديري

[الطيبة]

الله عليك يا حسين وعلى كلماتك الرائعة المعبرة ودمت بخير يا شاعرنا وانتطر كلماتك الجميلة :)

[رمثي رحيمه]

حسين
صح الله منطوقك ولاهان راسك
نص مميز
تقديري

[بسكوته]

استاذ حسين روووووووووووووووعه

[نداء الذات]

حلو كتبببببببببببببببر