الـــــــــراوي والـــــروايااااااااااااااات

[محمد الفرحان]

ماحـب نـوع الفشخـره والدعـايـات=والـي علـى نفـس النمـط لا يجينـي
ودي يجـي بينـي وبينـه مـسـارات=ويبـطـي قـسـم بالله لا يحتـريـنـي
الثـوب لـه (خبنه)وعـدة مقـاسـات=وانــا مقـاسـي غـيـر يامبتليـنـي
طيبه وعـزت نفـس فينـي ونخـوات=وفزعـت يسـاري ماتسـاوي يميـنـي
واحب كل النـاس ((بالـذات بالـذات))=من قـال عنهـم خالقـي ((والدينـي))
واما الشعر لي فيه (صوله وجـولات)=من بحر حبـك ليـن بحـر (الهجينـي)
بينـي وبيـن اللـي يلينـي مسـافـات=((وياطول درب اللـي وراي ويلينـي))
شاعـر تراقصلي(طيـور وفراشـات)=ونجم السماء يلعب على حـرف سينـي
ساحر ومتفلسف ولـي سبـع بصمـات=((بـس الغـرور الله بينـه وبيـنـي))
راوي واجيد اسلـوب فـن الروايـات=تسمع جماهيـري تـردد ((ياااعينـي))
اغوص في البحر الحمـر والمحيطـات=وجو السما هـو بـس مـن يحتوينـي
تميـزي فـي رسـم نهـج الخيـالاات=كـن الشعـر مخلـوق منـي وفيـنـي
انثر حـروف الشعـر واروح بسكـات=واجمع حروفـه بيـن قبضـت يدينـي
تصريح شاعـر لـه مسـار وحكايـات=((ماهمني شبـل الاسـد والحصينـي))
والى انت يلي لـك بروحـي مسـارات=((مابيـن شريانـي ومابيـن عيـنـي))
خذيتني بسلـوب ((بسمـه وغمـزات))=وتوهتنـي مـن قُبلتـك فـي جبيـنـي
حسيـت فـي حبـك ملـذه وسكـرات=وحسيـت انـك بـس مـن يهتويـنـي
وسويت لك في وسط جوفـي محـلات=ولا قلت لـك فـي يـوم لاتجرحينـي
لا والله الـى حطـي القلـب كـيـات=وان كان ودك ((تحرقيـن احرقينـي))
ثـم جمعينـي وسـط قلبـك حُبيـبـات=ثـم انثرينـي فـي الهـوى واجمعينـي
ثـم ارفعينـي ليـن حـد المـجـرات=وفي ضرف لمحة عين لـك رجعينـي
وفي شعرك الدافي ابو (خمس خصلات)=مابيـن خصـلات الشعـر سهريـنـي
ومابيـن نبـع (الثغـر خلينـي ابـاات)=((وبين البـرد والجمـر لا تحرمينـي))
سويبـي اللـي يعجبـك كـل لوقـات=مانـي بقايلـك خــلاص اتركيـنـي
حـرام حُـرم الـدم ماقـول أاهــات=مـادام انـك صـدق (بتمـوت فينـي)
معشوقتي لو طالعـت فـي المرايـات=كـن المرايـه سولفـت (كسريـنـي)
لو تجمعون اهل ((الدلـع والعبايـات))=((راحو وطي ياشيب راسي وعينـي))
ماهـو بدالـك كـل لحضـه وحـزات=سويـه فينـي فـي بقـايـا سنيـنـي
بس افهمي ان لي مـع النـاس ميـزات=وميـزه وحيـده ((وقفـي وافهمينـي))
من قال لي ((قُدباي)) باقول ((بايـات))=ماني بقايل مثـل غيـري ((اخذينـي))

.

.

الله عليك يالراوي

مبدع مبدع

.

.

قصيده رائعه / تقتبس كامله تشرفت بأولوية

معانقتها وحتما" سيكون لي عوده . .

.

.

دمت مبدعا" بكل حالاتك

.
.

تقبل فائق تقديري واحترامي