صحافتنا (الخالية) عفوا الغالية وشعراء الـ وقفه وانقلاب

[سعد المشعبي]

السلام عليكم
للغالين
وصلّوا على النبي

ما دخلت لساحة الشعر وقفه وانقلاب = الاّ شاعر خط مبداي من حيث انتهو
كان مازكّيت حق الاسم فوق النصاب..؟ = اعتبرني ساقطٍ مع بني جنسي سهو
القصيد اللي ليا عدّ ما يلو الرقاب = شاعره ماهوب شاعر جزل.. شاعر لهو
حِسبة الشعار عندي ما تحتاج لحساب = شاعرٍ ياوين شعره .. وشاعر وين هو !!
شاعرٍ تلقى قصيده مثل ضوح السراب = وشاعرٍ تلقى قصيده على الظامي رهو
وشاعرٍ تلقى قصيده مثل ضرب الحراب = وشاعرٍ تلقى قصيده سوالف في بهو
لاني المتنبي ولاني عمرو بن عتاب = والكبر عنه الخلايق من المولى نِهو
بس لي مع من يعدون جزل الشعر باب = وشاعرٍ ما يحترم كلمة لسانه فهو:-
داخلٍ في ساحة الشعر وقفه وانقلاب = مع شواعيرٍ حيو بالصحافه وانتهو

وسلامتكم

[قديم الشوق]

ارحب ياسعد المشعبي

يالله حيه وحي القصيد الجزل

وصح لسانك على هذه القصيدة الشامخة الواثقة

وأشكرك على هذا الحضور الجميل

وفي انتظار المزيد من هذا الجمال

وتقبل فاائق تقديري واحترامي

[رمثي رحيمه]

اخوي
سعد المشعبي
صح الله منطوقك ملايين نص شعري جزل ووافي
لاهنت يالغالي شاعركبير
تقديري
اخوك