""حال البنات في الزواجاات..."ايش يسوون...""ههههههه

[حب لم يرد عليه]

لما تجيك دعوة الى حضور
حفل زفاف لاحد الأشخاص

فإن الحريم في المنزل يعانون حالة الطوارئ في اليوم الموعودفتلقاهم صافين طابور عند باب الحمام .. من أجل أخذ دش بارد

<<< لأنهم مؤمنات بالقاعدة الفيزيائية التي تقول: أن الأجسام تتقلص بفعل البرودة

************ *******


ثم يهبون الى غرفة العمليات فتحصلهم مايخلون مراية في حالها ..

** فتلقى منيرة عند مراية التسريحة تتمكيج


** وخلود عند مراية الدولاب تركب عدساتها


** وسآره عند مراية المدخل حق البيت تستشور شعرها


** وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ<<


** ورغد تترجى اخوها : تكفى ود فستاني للمغسلة وقول لهم يخلونه مستعجل


** وأبتسام متوهقة مالقت الحلق اللي يناسب لون فستانها


** وشوق تقول لأخوها : تكفى مر على جارتناوخذ من عندها الأكسسوار التفاحي



** وأحلام .. انفرط سحاب فستانها .. وتبي الخياط يصلحه


<<< والله من السمنة الزايدة

************ *****


وصجة .. ولجة .. وحوسة ...

وكلهم في سباق مع الزمن ..


( طبعا ياعيني عالرجال .. ثوب وشماغ .. وانتهت السالفة )


************ ********* ********* ******

بعد ذلك .. يركبون السيارة بعد ما بح صوت ابوهم وهو يناديهم ..





** والمصيبة إذا اخذوا مسافة بالسيارة وجتك فاطمة تشهق شهقة قوية .. ويقولون : اشفيييييك ؟؟؟ وترد عليهم : نسيت شنطتي تكفى يبه رجعنا للبيت


************ ********


وبعد عناء طويل يوصلون إلى القصر ويدخلون


************ ******


ومن يوم تبدأ الطقاقة بقرع الطبول تلقى الوحدة تهزّ .. وتهتز وهي لسّا باقي على الكرسي


************ ********* *
ثم يتوافدون إلى المسرح وشف الرقص كيف


** اللي تحط رجلها من شرق المسرح إلى غربه ولا احد يدري وش بلاها

**********

** واللي تهز وهي واقفة مكانها بركادة << على بالها أنوثة ..


************ ******


وتعال شفهم اذا غنت الطقاقة .. ( يالتكسي)وقالت : وخذ يمين وبعد يمين ..

تلقا الحريم فعلاً ماخذين اللفة يمين في يمين


<<< طبعاً من غشامتهم .. يتصاقعون في بعض

************


والوحدة فيهم بتتشقق من الفرحه إذا جت الطقاقة بجنبهاوقالت : ( يا أحمر يا أحمر .. عاشو .. على قلبي )

<< طبعاً الافندية فستانها احمر ..

************ *****


** وتلقا ثنتين هناك يرقصون نفس رقص العراقيات في ( عرب شمّر )وطبعاً العجايز منصدمات .. ومافيه الا قوة دعاوي على هالبنات



************ **


** وإذا جت اغنية مصرية ..

تلقا الأغنية والأيقاع في وادي .. والرقص في وادي آخر إلا من رحم الله ..

<< واللي تعرف ترقص مصري .. تلقى البنات يتشحذونها تقوم وهي ترفض ..

طبعاً من حقها .. تخاف يصكونها بعين على كيفك
***********


والوناسة إذا قالت الطقاقة : ( رقصة خاصة لأهل العروس ) تلقاهم يستلجون إذا قالت : ( كل آل ' فلان ' خيّالة )


<<< وهم في الحقيقة .. لم يركبوا ...ايش رايكم في الي كاتبينه عننا ؟

[الراجي]

اخي / اختي / حب لم يرد عليه
وازيدك من الشعر بيت كمايقولون ... العازبات منهن يذهبن نشيطات فرحات تملؤهن الحيوية ويحدوهن الامل وعيونهن تصبو عسى ان يقع اختيار احداهن عليها لتكون زوجة اخيها / ابنها ا... فان حصل ذلك مجدّت بالعرس والعروس وكل المدعوات . وان لم يحصل اشتعلت غيرة فسلطت جام غضبها على المحفوظة بطلة الحفل عروستنا الزينة وصويحباتها فعاشت بقية ليلتها كئيبة تنعى حظها العاثر ...
موضوع واقعي وجميل
تقبلوا فائق التقدير والاحترام

[خلود الياسمين]

هههههههههههههههههههههههههه
نو
نو
نو
أحتج أنا ماحط عدسات أبد
عيوني سوداء من الله ههههههههههههههههه
عاد الله لا يوريك حبوبه
اي ليلة زواج يعني حالة إستنفار
بس انا ماحب اروح زواجات ماعرفش ليه
أحسها دووووووووووووشه حيل وناس مصطنعة
تدومين لنا وتدوم لنا مواضيعك ..,

[شمس آلأمل]

هههههههههههههههههههههههههههههه

عااد انا مدمنه حفلات اعراس
والله كل الكلام صحيح وانا اقراء موضوعك

اتخيل خوااتي هههههههههههههههه

امووله شوفيني ذا حلوو مو ضيق صح حلقي حلوو
ياربي كحلي خرب جد سوووق وقتها هع
ولااا جد ع الكووشه تصير علووم اذا ازدحمت الكوشه بلي يرقصن
ماصار رقص معركه كل وحده تبي تكون باينه وهي ترقص

زي ما قال اخونا الراجي لعسى ولعلى تنخطب
والله اقعد اضحك من قلب امي تقول وش فييك

اقوول قسم ولا مسرحيه طارق العلي

جد هباااااااااااااااااااااااااال


يسلمووو خيتوو لا خلا ولاعدم

[سحابة عطر]

راااي من راااي ياسمينتنا
مااحضر الا القريب مررررررررررررررره
وجد تصير هالاشياء اللي قلتيها يالغلا

يسلمو يالغلا

[الساحر]

هههههههههههههههههههههه لا تعليق

[أميرة الشوق]

يسلمو اختي على الموضوع الحلو

بس انا الحمدلله اكثر الزواجات الي احظرها لقرايبي

واكون مجهزه كل شي للأحتياط حتى لو كان جا مفاجاء

يعني انا ماحب البس اشياء مبالغ فيها

احب اكون مميزه وناعمه

فكل مره اروح السوق حتى لو كان مافيه مناسبه

لو شفت فستان ناعم عجبني اخذه

بس الشي الي احتار فيه اختيار المشغل المناسب

بس الكلام الي قلتيه ينطبق على خواتي الله يهديهم

ههههههههههه

تقبلي مروري