آخ ـــر من يع ـــلم

[سمــآهر]

احم احم انا وصلت وهليت ,, سمعت أحد يناديني


مرحبا بالجميع ,,

ما شاء الله انا بفتتح البرنامج شي حلو

وبمناسبة قصي للشريط وإفتتاح برنامج آخر من يعلم ,,,

,, هذا إهداء بسيط للموضوع وصاحبته حتى يسهل للجميع الدخول عليه

وضيفتنآ هي شخصيه

حبوبه مرحه آلكل يشيد لهآ بذووقهآ آلرآقي

وآلجذآب صآحبه آلكلمه آلجميله


سمآآآآآآآآآآآآآآآآآآآهر

مرحبآ بك يآ غآليه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تسلمين حبيبتي احرجتيني بكلامك العسل
والذووق منك وفيك

وآللحين آلكل يرسل آسئلته لي برسآله خآصه وآنآ آسدحهآ هوون

وآتمنى آلتفآعل

لآن مده كل ضيف ثلآث آيآم

ولكم ودي يسبق ردي

مو مشكله بنغير النظااام وبنخلي الضيافه يوم ونصف ها شرايكم ,, هههههه
يا هلا فيك وبحلفائك





يالله نسمي الله ونبلش بالإجااااااااابات وإن شاء الله أكون وتكونون أول من يعلم

وهذآ سؤآل حليفي آلآول

يقوول,,,,



بما إنك فنانه بالتصوير

وممكن نشوف غرفتك ؟

وممكن نشوف نوع جهازك ؟
ووووووووووووووو بس

شكرا على الإطراء والفن سؤالك ,,
احلى ما فيه ووووووووووووبس يا ريت مكثر او مكثره منها هههههههههه

هذا نوع جهازي وصورته فرش من الجواااااااال


















أعتذر عن رداءة التصوير انا قاعده اتغدى واصور


وهنا صوره كنت ماخذتها من فتره واعتقد شاركت في موضوع فيها لا مانع من اضافتهااا




طبعا مثل ما انتو شايفين جهازي دقه قديمه
فأنا اعتقد اللي سأل السؤال وده يشتري لي لاب توب جديد
شكرا لك او لكي مقدما ,,

بس ملاحظه صغنونه لو يكون لونه مثل هذا يكون افضل
مليت من الاسود ابيه لون بناتي مع مواصفات وجوده عاليه > يا حلو التشرط ههههههههههه























وأما بالنسبه لغرفتي حياكم شوفوها بس بليز من غير تعليق










وهاذي صورة غرفتي ما تغلى عليكم








الاثاث مشابه لاثاث غرفتي بنسبة 90%
أما بالنسبه للترتيب .. غرفتي ما تشوف الترتيب الا في الويكند < الاعتراف فضيله
لو طرح علي السؤال يوم الخميس او الجمعه كان نزلت لكم الصوره من غير تردد
اما هالاياااام مستحيل




شكرا للحليف الأول استمتعت بسؤالك بس لو تعرفني / تعرفيني على نفسك بكون ممنونه
عشان نتفاهم على طريقة توصيل الجهاز الجديد هههههههههه


شموسه مرسي يا عسل

[شمس آلأمل]

سؤآل حليفي آلثآني

السؤال الأول /ماذا تعني لها رسائل الجوال هل تدل على قيمتها عند السخص اللي يرسلها
ولا هي رساله والسلام؟
متى تستطيع إرسال باقة ورد لرجل؟
في اي زاويه من زوايا الحب تسكن؟

السؤال الثاني /كم ترتيبها بين افراد العائله؟
هي دلوعه في البيت ولا دايم تاكل زفات من اللي يحبها القلب؟
من اقرب شخص لها في العائله؟

السؤال الثالث/ متى تقول لا لمن تحب ؟
ثلاث اشياء تبعدها عن الناس؟وثلاث تقربها منهم؟
ماذا تعني لها التضحيه؟

وبس هذي عالسريع تخيلت اني احط اسئلة امتحان طولت مووو

[شمس آلأمل]

سؤآل حليفي آلثآلث.....

وناااااااااااسه بدأ الشغل المضبووووط

سماهر متحمسه بقوووه للأسئله والله يجيب العواقب سليمه

ياطويلة العمر سؤالي لسماهر.. تصميم من عمل يدينك كانت له ذكرى حزينه ..اسدحي التصميم وماهي الأسباب وراء هذا التصميم؟

س2/ شكلي مطوله (أكثر شي يشد انتباهك في تصاميم غيرك من المصممين)
س3/ موقف مضحك صادفك أثناء تصويرك لمنظر معين..اسدحي الموقف من غير تشفير
ومشكوووووووووووووره شموسه ياقلبوو

آلله يعينك يآ سمآآآهر

</B></I>

[قديم الشوق]

أهلا ً وسهلا ً بمقام الضيف والمضيف

فنعم الضيف ونعم المضيف

موضوع في غاية الجمال والروعة والتميز

أشكر مشرفتنا شمس آلأمل على كل جهودة الرائعة في المنتدى

وعلى مواضيعها المتجددة

وأتمنى لضيفتنا ومراقبتنا القديرة / سمآهر المزيد والمزيد والمزيد من التوفيق

ونحن بالجوار نتنفس فضاءاتكم العذبة

وللجميع خالص تحياتي وتقديري

[شمس آلأمل]

وينك يآ سمآهر ؟؟


سؤآل حليفي آلرآبع.....

لو كانت سماهر ورده
اي الورود تحب أن تكون ولماذا ؟

وودي ووردي حبوبه
</B></I>

[شمس آلأمل]

سؤآل حليفي آلخآمس؟؟


اما سؤالي لضيفة البرنامج خخخخ قصدي ضيفة الورطه آخر من يعلم هو

ما اللذي تحبينه في شخصيتك ويمتدحه الآخرون فيك وما اللذي تتمنين تغييره ؟

ماهو المكان اللذي يسعدك ان تتردين عليه ؟
كان ودي احط اسئلة تشيب الراس لكني خفت ظيفتنا تهرب وتذكرت ان الزمان يوم لك ويمان عليك يعني لازم ارحم عشان يرحموني صووووح وشكراً

ههههههههههههه صح عليك يآ حليفي ظبطي عمرك خخخخخخ

[سمــآهر]

استاذي قديم الشوق
دعوه طيبه من قلب طيب
لك جزيل الشكر وجميل الود

[نَقَاءْ]

:
مسابقه جميله
رائعه انتي شموستنا راح نستمتع وياك والله يعين الضيف خخخخ
دمتِ بسعاده

[سمــآهر]

باااااااااك لعيونكم ما شاء الله عليكم أغيب ومن أرجع أشوف الخير والخيرات هههههه

سؤآل حليفي آلثآني

السؤال الأول /ماذا تعني لها رسائل الجوال هل تدل على قيمتها عند الشخص اللي يرسلها
ولا هي رساله والسلام؟

طبعا تدل على قيمة الشخص اللي مرسلها
غلا الرساله من غلا مرسلها
حتى لو كانت من غير كلمات .. كافي انها جايه منه .. منها .. منهم > عشان الرقابه
جواب دبلوماسي ههههههه

متى تستطيع إرسال باقة ورد لرجل؟

لا توجد قيود ,, متى ما استحقها وكان بالقرب ارسلتها له

على شرط أن تكون تعبيراً لشكره وعرفانا له

سواء لخدمه معينه أو مشاعر خاصه تجمعنا

في اي زاويه من زوايا الحب تسكن؟

زوايا الحب لا تستقيم للمحبين سرعان ما تنكسر

أنا أفضل أن اسكن في الزوايا التي ليس لها أضلع

بعيده في عالمي الوردي
ولا مانع من الحب فالحياة من غيره تشبه الصحراء
بالحب تسمو القلوب والضمائر

السؤال الثاني /كم ترتيبها بين افراد العائله؟

هي دلوعه في البيت ولا دايم تاكل زفات من اللي يحبها القلب؟

ترتيبي الخامسه .. وعن دلوعه فأنا دلوعه بس على دلع زمااان
مو زي دلع هالايااام

وعن الزفات لازم نحصل منها هي بهارات الحياة ههههههههه

بس انا اتحاشى اي موقف فيه زف دايما اكون ودوده وحبابه مع الجميع

من اقرب شخص لها في العائله؟

اقرب شخص لي اختي اللي تصغرني بسنتين

ما أقدر استغنى عنها .. طلعاتنه وتسوقنا وزياراتنه هي توأم حياتي
ا الوالده الله يحفظها كل شي عندها لا وممنوع وخصوصا الطلعات المتأخره
اختي هي العقل المدبر للمواقف الصعبه وأعذارها تقنع امي طوالي ومن غير مناقشه

السؤال الثالث/ متى تقول لا لمن تحب ؟

إذا تعدى الخطوط الحمراء بإسم الحب

سواء أخ أوأهل أو اصدقاء أو زملاء أو حبايب
اقول كلمة لا ولكن لا أنقص من إحترامهم

ثلاث اشياء تبعدها عن الناس؟وثلاث تقربها منهم؟

اللي تبعدني عن الناس

1- القيل والقال وخصوصا الغيبه
2- التفاخـــــــر بمال وجمال الخ ,,,
3- الفوضى والازعاج أنا عاشقه للهدوء

واللي تقربني منهم

1- الحاجه والمساعده وتقديم العون

2- اكون قريبه منهم في افراحهم واحزانهم
3- وعند احساسي بالوحده

ماذا تعني لها التضحيه؟

التضحيه تعني لي أن أعطي بحدود لا ابالغ في التضحيه والعطاء

سواء كان عطاء مادي أو معنوي واسعي ان تكون التضحيه لمن يستحقها
مع انه صعب معرفة من يستحق ,,
لانه الأقنعه تتساقط بعد التضحيه وليس قبلها
وخاصه في تضحية المشاعر والاحاسيس....
المال يتعوض مع مر الايام
لكن المشاعر المجروحه تظل تنزف اكثر والجرح يكبر مع الايام

وبس هذي عالسريع تخيلت اني احط اسئلة امتحان طولت مووو

الحمد لله على السريع ,, لو مطولين اكثر كان سلمت ورقة الامتحان من غير اجاااابات

يا هلا بالحليف الثاني استمتعت بالاجابه > مو تصدق/ تصدقين
الا تعبت هههههههههه

كل الشكر على التقويم عسى بس نجحت ,,

[سمــآهر]

سؤآل حليفي آلثآلث.....

وناااااااااااسه بدأ الشغل المضبووووط

شكلك ناويه علي

سماهر متحمسه بقوووه للأسئله والله يجيب العواقب سليمه

بلاش قوه خلينه حبايب ترى لا يغرك هدوئي معي الحزام الأسود هههههههههه

ياطويلة العمر سؤالي لسماهر.. تصميم من عمل يدينك كانت له ذكرى حزينه .
.اسدحي التصميم وماهي الأسباب وراء هذا التصميم؟

هذا هو التصميم

صممته بعد رحيل إنسان عزيز على قلبي ( والدي رحمه الله )

س2/ شكلي مطوله (أكثر شي يشد انتباهك في تصاميم غيرك من المصممين)

حياك ,, تفضلي المجلس مفتوح بس تركي عنك الإطاله هههههه
اللي يشدني أكثر روعة ادماج الصور مع الخلفيه وفن إضاءة التصميم
احيانا كثيرة اتمنى اكون انا مكان المصمم طبعا ليس حسد ,, بل إعجاب بروعة التصميم

س3/ موقف مضحك صادفك أثناء تصويرك لمنظر معين..اسدحي الموقف من غير تشفير

نسدحه وش ورانا ومن غير تشفير

الموقف هو ,,
ايام الجامعه طلبت الدكتوره منا بحث أنا اخترت بحثي عن العماله في البحرين
عاد قلت خليني ادعم بحثي بالصور
طلعت يوووم افرفر يمين وشمال علني اجد عمال يشتغلون
المهم كنا في الصيف والجو خانق وحار توقفت عند براده ( بقاله)
وطلبت لي ماء وعصير ,, لمحت عامل كان جالس على كرسي تحت مظله كان يبيع سمك
واذكر كان لابس كاب على راسه قلت خلاص خليني اخذ له كم صوره

بس قبل ما اتحرك بالسياره طلبت من عامل البقاله علبتين ماء وعلبتين عصير
قلت مسكين خليني اعطي هالعامل يبرد على قلبه من لهيب الجووو

وصلت له ومباشره من غير مقدمات مديت يدي بكيس الماء والعصير
الا اسمع صوت يقول هلا ومرحبا آمري اختي شنو بقيتي > قصده شنو نوع السمك اللي تبينه
انا هني فتحت عيني ووجهي صار احمر اصفر واخضر اشاره مرور ههههه
طلع الاخ بحريني
عاد عن الاحراج كملت المسرحيه وقعدت أسأله عن انواع السمك اللي عنده
وبكم سعر الكيلو وانحرجت اكثر قلت يا ربي شاسوي ,, توهقت اكثر
صار لي ساعه اسأله اللحين لازم اشتري منه
وبالفعل شريت منه اتذكر بــ 100 ريال ( عشره دينار )

ورجعت البيت بسمك من غير صور
وطبعا ريحة السمك عطرت لي السياره
طوالي على المغسله ما عطلت :)
وقلت توبه اصور عامل يبيع سمك مره ثانيه هههههههههه

طبعا اخذ مني الماء والعصير استحيت انزل يدي
في البدايه رفض قال يا الشيخه عندي خير والبارد داخل السياره
قلت له لا الجو حار والماء ما نرده

وبس صار فيلم مضحك كل ما نتذكره في البيت نضحك عليه

ومشكوووووووووووووره شموسه ياقلبوو

آلله يعينك يآ سمآآآهر

تستاهل مشرفتنا الشكر والتقدير
ويا هلا بالحليف الثالث وبالعكس كلي متعه بوجودي بينكم

دمتم بخير