مصآفحـهـ أولــى :: يطـول الوقـــت ::

[عبدالعزيز الراشد]

السلام عليكم ورحمة الله وبركاته ...
مساء / صباح . الخير ع الجميع ..
مصافحه أولى ..
قصيده يشرفني أن أطرحها أمامكم وتهمنى آرائكم وانتقاداتكم ..
آمل أن تحوز ع رضائكم ..
:: يطــول الوقــــت ::

يطول الوقت وتشين الظروف وتصعب الأحوال
ويموت الحلم وتضيـع الأمانــي مانحققهـــــا

أشوف الحزن له مدّه يجـدد له معي مـــوال
وفقــدت أيامــي الحلــوه و وقتي قام يسرقهـا

وألا يالصاحب اللي عن حياتي تطري الترحـال
تراها ضايقة بي وأنت بالطــاري تضـيـقـهـــا

حبيبي جيت أدور بك عن شموس الزمان ظلال
لقيتـك شمس في عمري أبد ماغاب مشـرقـهــا

تعذرلي تقول ظروفي الصعبه تهــد الحـــــــــال
وأصـدقها لـو انـي مانـي بـمـجبـور أصـدقهـــا

أعرف اللي يحدك عن غرامي ياوسيع البـــــال
وأعرف أسرار قلبك لو بغيت أكشف حقايقهــا

وأقدرلك ظروفك وأحتري منك ليال وصــــــال
وأنا عندي ظــروف وضيـقـةٍ مانــي بطايقـهــا

تعال وخلنا ننسى مـــدام ان الــدروب طـــــوال
تعال وصفحة الماضـي نبي ننســى ونحـرقـهــا

تعال وكل شي تطلبــه ياصــل بــدون جــــــدال
تعـال وبختصـر عــذب الكــلام بكلمـه أنطقهــا

أحبك إيه أحبك شف غرامك كيف صال وجـال
بـ قلبي لين صرت أهوى طيوفك حيل وأعشقها

نسيت الناس والدنيا وجددت لـ غلآك آمــــــال
معــاك أحـس في طعــم السعـــاده وأتـذوقـهــــا

أحبك كثر ماني مقتنع بان الوصال محـــــــــال
كثر ما رحت أبا أفارق طيوفك جيت أعانقهـــا


وسلامتكم

[عريب نجد]

القدير

الشاعر / عبدالعزيز الراشد

قصيده رائعه

وصح لسانك


تقبل تقديري

[قديم الشوق]

تعذرلي تقول ظروفي الصعبه تهــد الحـــــــــال
وأصـدقها لـو انـي مانـي بـمـجبـور أصـدقهـــا


عبدالعزيز الراشد

أولا ً يسعدني الترحيب بك ِ بيننا في منتديات منابع الأدبية التي تسعد بأمثالك من المبدعين

وصح لسانك على هذه الفاتنة

قصيدة جزلة وعذبة ولا ينظمها إلا شاعر متمكن

أشكرك من الأعماق على هذا الجمال

وفي انتظار المزيد من هذا الإبداع

وتقبل فاائق تقديري واحترامي

[عبدالعزيز الراشد]

عريب نجد ..

مرحبا ومسهلا ..

صح الله بدنك ولاهنت ع مرورك ..

ألف شكر لـ سموك الكريم ..

[عبدالعزيز الراشد]

قديم الشوق ..

هلا بك يالغالي ..

وابقاك الله .. ودام عزك يالغالي ..

صح بدنك .. والله يعافيك وجعلك تسلــم ..

ماقصرت على الكلام الطيب ..

ألف شكــر لـ سموك الكريم ..