(((() عزة النفس ())))

[عايض الرشيدي]

السلام
عليكم ورحمة الله وبركاته
أسعدالله أوقاتكم بكل خير
اهديكم هذه المتواضعه عسى ان تنال إعجبكم

أشرقت شمس جفت بأكسجين الحقول=واغربت مستحيل أحلم بنسيانها
أرتجفت ووقفت وصار فيني ذهول=ولّعت نار وأنا صرت دخانها
خلّف آدم وحواء بنت غيداء دلول=تبتهل شر والأ خير لأخوانها
لو يصيب العيون من المحبه كسول=أخضعت روس قوم لسيف سلطانها
ويش معنى النحل لولا العسل يا امعسول=وويش معنى القلوب بدون وجدانها
كيف با امنعك وافتح لك جميع القفول=رحت تسرح وتمرح و سط بيبانها
القصيده على شانك تصول وتجول=أخلقت نفسها من ضلع شيطانها
من يدور على الحكمه براس امهبول=وأنت حكمه خلقك الله على شانها
في عيونك سوالف ويش تبغى تقول=خلها تشرح القصه وعنوانها
اطعن الخوف كن واثـق بكل الحلول=شرد الأفكار قل لي ويش برهانها
قبل تندم بماتفعل على ماتنول=حاسب النفس قبل حساب ديانها
خلنا ننفض غبار السنين المحول=في حضن جنة الدنيا وريضانها
كل كلمه بريئه للخطيئه غسول=فرشت لك طيور الحب جنحانها
شفت من سبع بعيونك محل وأبوهول=والحدائـق وبرج إيفل بحجانها
يضوي الرمش الأسودفوق طرف(ن)خجول=وبين مثل الشفق مزنه وربانها
وعنقك اللي مثل عنق المهاه الجفول=الحذر شم ماهو شوف بأعيانها
وبين متنك وصدرك والردوف امعزول=جل من يعطي النعمه ومنانها
ضام ساقيك من ردفيك ثقل الحمول=يرجح الكيل بالكفه وميزانها
فيك من كل شكل بكل لون امعمول=وكل الأشكال لونك ذاب بألوانها
فيك كلك على جيلك جميع الفصول=وفيك كل الزهورالخضربأغصانها
وألك باقة ورود الحب خذها قبول=وألك دوله برئيسها وسكانها
أنت دره ماتشبع منك كل الفضول=قطرة(ن) من ندى ماشرب عطشانها
ماتخيلت من شفتك على كل زول=اضمحل بعيوني شوف خلانها
كان مافيه مثلك مايثير العقول=كل ورده تموت بوسط بستانها
يمدح السوق من يربح بدى ياعذول=اترك الناس رابحها وخسرانها
آه لوجابت القدره شداد وذلول=ماتضيق الوسيعه بين ضلعانها
نسترد ألنفس بالأرض عرض(ن)وطول=وأنتبادل عزاء الدنيا وحرمانها
بس ماني على قسمة وكيلي عجول=الله اللي رفع نفسي ولاهانها
عزة النفس تبقى والغريزه تزول=ماتموت النفوس يموت جثمانها

[سحابة عطر]

عـزة النفـس تبقـى والغريـزه تـزول
صح السانك اخوي عايض الرشيدي

دمت بود
سحابة عطر

[~ حزنٌ مُباحْ ~]

في عيونك سوالف ويـش تبغـى تقـول
خلهـا تـشـرح القـصـه وعنوانـهـا
اطعن الخوف كن واثـق بكـل الحلـول
شرد الأفكار قـل لـي ويـش برهانهـا



مجرمُ شعر ٍ أنت !

صحّ لسانك
وعلا شانك
ولا هنت

[قديم الشوق]

عايض الرشيدي

ارررحب والله

والله يحييك معنا في منتديات منابع الأدبية التي تسعد بك

وصح لسانك على هذه القصيدة الشامخة

شكرا ً لك من الأعماق

وفي انتظار جديدك المميز

وتقبل فاائق تقديري واحترامي

[إيمان السعيد]

لوجابـت القـدره شــداد وذلــول

ماتضيـق الوسيعـه بيـن ضلعانـهـا

نسترد ألنفس بالأرض عرض(ن)وطـول

وأنتبـادل عـزاء الدنـيـا وحرمانـهـا

بس ماني على قسمـة وكيلـي عجـول

الله اللـي رفــع نفـسـي ولاهانـهـا

عـزة النفـس تبقـى والغريـزه تـزول

ماتمـوت النفـوس يمـوت جثمانـهـا

عايض الرشيدي

صح نبضك وروحك شاعرنا القدير
نص يفيض ابداع وتميز

[عبدالعزيز الذويبي]

صح السانك اخوي عايض الرشيدي

دمت بود