للوطن وإن رغمت أنوف !!

قديم الشوق · 05-10-2009, 09:29 PM

للوطن والوطن فحسب ..

رفرفي ياراية العز والمجد التليد
واسطعي بالنور واضوي دياجير الظلام

والله انك ياجناب الوطن ركنك شديد
ووالله انك ياتراب الوطن فوق الغمام

كل يوم ويوم ياموطني قدرك يزيد
اشهد انك فوق كل الهقاوي والكلام

انطح العليا وقل للعلا هل من مزيد
دام قدرك ياوطنا رقا راس السنام

بين حاضرك المشرّف وماضيك المجيد
انحنى التاريخ من هيبتك والقى السلام

سخر الله لك رجال ٍ لهم راي ٍ سديد
خصّهم بك رب الارباب من بين الأنام

أهل العوجا هل الطيب والفعل الرشيد
الكرام مضيفين الكرم نسل الكرام

حبهم في جوف الاخيار يجري بالوريد
وقدرهم بقلوب الاجواد باني له خيام

ياإله الكون يابادي الخلق ومعيد

يامدبر بامرك الخلق ياكاسي العظام

يالله احفظ هالوطن ياعزيز ٍ ياحميد
ويالله احفظ له رجاله عزيزين المقام

ويالله انك تشفي اللي عسى عمره مديد
شيخنا الصمصام ابوخالد القرم الهمام

عيدنا يامحيي الأرض يارب العبيد
هو مجيّه طال عمره وهو بخير وسلام

والوطن بقلوبنا ياعسى عيده سعيد
وياعساه بزود تمكين عام ٍ بعد عام

ويا إله ٍ تفعل اللي تشا واللي تريد
اقمع اهل البغي واهل الفتن واهل الظلام

وياجناب المملكة والله انْ ركنك شديد
ووالله انك ياتراب الوطن فوق الغمام

قديم الشوق

عادل الظفيري · 05-10-2009, 11:06 PM

الغالي قديم الشوق

الأرض .. الوطن .. التراب

كل ماذكرت يستحق الإحتفاء

لسنا شيئا بلا وطن

وعلى الرغم من قسوة الوطن علينا

إلا أننا نعتبره شيئا مقدسا

فليس لنا سواه

أتقنت الشعر هنا

فألف شكر على هذه الشاعريه

أنثى الحرير · 06-10-2009, 06:24 AM

كل عــآمْ والوطنْ بصفــآء. ورخـآء

وكل عــآم وآنت سيد للشعرْ

دونتهــآ لكـ مسبقــآ بينكـ وبين الشعر هوية إنتمــآءْ

كقمر يبزغ نورهـ ونتلهف ضيــآئهـ

سملت للوطن مخلصــآ.. وسلم منطوق.. ويمينكـ

تحية اجلال..لروحكـ

محمد علي الفتّّوح · 06-10-2009, 08:44 PM

مبدع كما عهدتك اخي قديم الشووق

قصيده من العيااااااااااااار الثقيل

صح لساااااااااااانك وعلا شاااااااااااانك

ولاتحرمنا جديدك

تقبل مروري

محمد الفتوح

رفا الود · 07-10-2009, 09:13 AM

يستحق هذا الوطن ان ننسج له الحروف والقصائد

....لا عدمناك ...وسلم قلمك

عسافه · 11-10-2009, 08:49 AM

قديم الشوق

بيض الله وجهك وصح لسانك مشاعر صادقه وحفظ الله وطنا الغالي

لاهنت

إحترامي وتقديري لك

صالح البحيح · 12-10-2009, 04:54 AM

قديم الشوق

مريرنا الفاضل

مبدع مافيه كلام

شعر وكلامات ومعنى وايضاً في ادارتك للمنتدى

اعجبني البيت الي تقول فيه

أهل العوجا هل الطيب والفعل الرشيد
الكرام مضيفين الكرم نسل الكرام

صحيح ماذكرته عسى الله يخليهم لنا حامنا ويطول لنا فيه عمارهم

وبيتك الي تقول فيه

ويالله انك تشفي اللي عسى عمره مديد
شيخنا الصمصام ابوخالد القرم الهمام

الله يشفيه ويرجعه لرض الوطن سالم ويطول في عمره ابو خالد راعي المدات الجزيله

لاعدمناك ابو نواف

السومرية · 18-11-2009, 01:37 PM

بسم الله الرحمن الرحيم
شـكــ وبارك الله فيك ـــرا لك ...
يارب يحفظ هذا البلد من كل الشرور ويسدد خطى الاوفياء الي يحبو بلدهم ويدافعو عنه صح لسانك كلام روعه

ابو مهند · 18-11-2009, 02:03 PM

مديرنا الفاضل -

بيض الله وجهك 0وشكرا على الأبيات الرائعه 0

طبعا مهذب · 18-11-2009, 04:37 PM

قديم الشوق
مديرنا الفاضل
تلقيت أكثر من ترحيب من قبلك
ولم يتسنى لي الردعليك خانتني الكلمات
مديرنا المفدى لك مني أجمل عبارات
الحب والودوأنقى الأمنيات ربنا يحفظك
لنا ولي نفسك ولمن تحب امين
يا إله ٍ تفعل اللي تشا واللي تريد
اقمع اهل البغي واهل الفتن واهل الظلام
شكرا على ما تقاطر من لسانك من عسل
بيض الله وجهك وبوركت

لوحة التميّز الشهري (قريباً)

قريبا	قريبا	قريبا	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)