البنات دميه بايدى الشباب صح لاتقول غلط . . . ؟

[التميميه]

اخوي نايف
اتمنى ان يتسع صدرك لردي يابن العم
اول شي بطلبه منك انك تقرا ردي بكل هدوء
وتخيل اني اقوله بنبره هادئه وليست نبره هجوميه او اسلوب جاف وقاسي
وتخيلني ابتسم عشان مايضيق خلقك :)

ثقوا بأن نسبه 90 % من الشباب

لا يعرفوا معني الحب من خلال المنتديات او الشات

يقولون كلٍ يرى الناس بعين طبعه
بس انا ماراح اقولك هالشي
بقولك هذا احتمال يحتمل الصواب والخطأ
وصدقني لو انت لك خوي يحب ويكلم بنت مستحيل يقولك احبها وبتزوجها
لانه لحظتها بتقول له: ((افا طلعت زلابه وجابت راسك بنت تكلمك وياشيخ اللي تكلمك تكلم عشره ..... الخ ))


وللمعلوميه فيه زواجات كثيره تتم عن علاقه
يعني ممكن اخوك او ولد عمك او صديقك يكون متزوج عن حب بس مش لازم يجي يقولك تراني متزوجها حب
تبعا لعرف العادات والتقاليد ولو تسأله يقول افا عليك انا العب عليها والله ماعندها ماعند جدتي :) واذا جيت للصدق تلقاها هي اللي ممشيته عالعجين مايلخبطوش :)

هذا ردي على نسبة 90% احسك بالغت فيها مره :)



طيب نجي لشي ثاني
انا بصراحه مدري وش الحكمه من طرح هالموضوع
لانه شي متعارف عليه وقديم
من صغرنا نعرف ان البنت هي الحمل (( الخروفه ))
والرجال هو الذيب (( ولو ان عندي تحفظ على لفظ ذيب لان الذيب مايغدر والرجال غدرهم حدث ولاحرج ))
يعني مش معلومه جديده اللي انت قاعد تناقشها
معروف منذ الازل ان كل رجال يطارد المراه لرغبه معينه
واهلنا علمونا هالحكي من يومنا صغار

وكن على ثقه بان البنت مش دميه وان كانت دميه فهي دميه برغبتها
كيد النساء مذكور في القرأن (( لاتنسى ))
وعسى الله لايوريكم كيد الحريم :)
مب معناته اذا المرأه حسستك بضعفها وحبها وغلاها انها ضعيفه
بالعكس اذا المرأه ظهرت ضعيفه فهي في اقوى حالاتها
وصدقني مافيه وحده غبيه وماتعرف الشاب اللي قدامها
ترانا نفهم ونعرف ونحس وونشوف اللي يصير
ماسمعت المقوله اللي تقول اغبى امرأه بالعالم اذكى من اي رجل ؟؟
وبعد يقولون انه بين كل 100 رجل تجد واحد ذكي وبين كل 100 امرأه تجد واحده غبيه
يعني لاتخاف على حوا ولاتشيل همها
والله انها تجيب روس عشر رجال وهي تشرب ايس موكا :)
الخوف عليكم انتم
ولولا اني اخاف اكشف اسلحة البنات كان زودت بالكلام


وملاحظه اخيره : دايم نسمع ان الزوجه كرهت الرجال باهله وخلته ينسى امه وخواته ويقلب عليهم
بس ماقد سمعنا برجال قلب راس زوجته على اهلها
وش معناه هالكلام ؟؟
من اللي ينخاف عليه الحين ؟؟