ذوقك هو الأجمل .. أختر قصيدة وأعرض ما أعجبك بها من أبيات

[محمد الفرحان]

.

.

هنا قصيدة للرائعة الغريبة / شوق


0

أشوف دنيا العنا طربه وفرحانه
ترقص على نبض حزن القلب وتموّل

تعجن عجين الهموم بوسط معجانه
من ضيمها شوف ! تـنـّور الحشا فوّل

عيني بدمع الضنا والهم غرقانه
وحزني بروحي مقيم وشكله مطول

قلبي من البين ضاق وتاه برهانه
كنه وسط حارة الافراح يتسول

والهم: بـيتن مخومس ثبّـت اركانه
في وسط جاشي ! وقال :الاول اتحول

تعبت أهيجن قهر! والروح تعبانه
يا فارس الحزن ! عن خيل العنا..حول

تتساءل الناس ليه( الشوق) حزنانه
كلن لحزني يجيب اسباب ويأول

وانا على ما مضالي حيييل شفقانه
لكنّ هيهات يرجع لي زمان اول

000

[نجديه]

دفتر ايامي



جلست أقلّب الماضـي اراجـع دفتـر أيامـي
لقيـت الهـم والغربـه أهم..أبرزعناويـنـي
كتبت أحساسي بدمـي بعـد ماجفّـت اقلامـي
لقيت الجرح يكتبني واشوف الحـرف يبكينـي
واشوف الحزن متمركز في قلبي..ضيّق اعظامي
يدّمـر كـل مافيني...وجمـره دوم يكويـنـي
وهمي وين مااروّح اشوفـه شخـص قدّامـي
يرحب بي...يهلي بي ... يهل الدمع من عينـي
تعبت آكفكف العبـره واداري مصـدر الآمـي
تعبت انـادي بحسـره علـى فرحـه تهنينـي
تعبت اتنّفس الكربه وادوس الشـوك بأقدامـي
تعبت أعاند هموم(ن) بقبـر الخـوف ترمينـي
تعبت أنزف من جروح(ن)سببها سيوف ظلّامـي
تعبت ابـرر الموقـف وامـد بطيبتـي يدينـي
تعبت امثّل الفرحه وانا انطـر لحظـة اعدامـي
تعبت اضحك معا غيري وأنـا همـي معنّينـي
تعبتت آلملم شعـوري بعـد ماماتـت احلامـي
تعبت اوصف بابياتي همـوم(ن)دووم تضنينـي
تعبت ولاتعب قلب(ن) يضيق فطراف هندامـي
تعبت ولاتعب حرف(ن) يصوّر حـزن يحوينـي
تعبت اشوف آحزانـي تلّبّـس باقـي اعوامـي
واشوف الهم يستعمر حياتـي وباقـي سنينـي
تعبـت ادور مـداوي يـداوي باقـي اسقامـي
تعبت اتعلقم بصبـري ياليـت الصبـر يكفينـي
آلا ياهمـي الساكـن آلا ياغربـة الضـامـي
الا ليت الزمن يرجع يناظـر وش عمـل فينـي
كتبت احساسي بدمـي بعـد ماجفـت اقلامـي
لقيت الجرحي يكتبني واشوف الحـرف يبكينـي

:rose::rose::rose:

[بروق السحايب]

ثوب الغـــد ر بالـصـبر عـقـــــبك غـســــلته

.................... وشربت لـجـل ابرا بـقـــــــــايا غـســوله


إن كان سـلـمــــــك با لـتغــلي قـتـلــــــته

.................... فانا لــي اســلـــوم ٍ تكــفي حــمــــوله


إحـسا سك اللـي مــــــن غـرورك نـهــلته

.................... يصعب على نفـسي الــوفــّية وصـــوله


وبا ب ٍ يجـيني منــــه شـــّرك قــفـــــــلته

.................... ما عــاد ابي شـوفه ولا ابغـى د خـوله




لمبدع منابع : قديم الشوق

[نجديه]

ليلة السبت يا نايـف تجـر الكـلام !
ما كأني حلفت أنسى الورق والقصيـد

الله الله على جرحي .. وخـل السـلام
ودي آحس بأحزان الهوى من جديـد

داخلي سر ضايقنـي قبـل لا أنـام ..
يمكن إن بحت به أرجع " كأني سعيد "

راحت اللي تخايل لي حمامة سـلام !
داست أحلامي البيضاء بقلـب ٍ حديـد



لعبداللع البكر...

[نجديه]

أنا يا ابن الحلال أصعب حكايه
كتبني الوقت .. لكن ما قراني

مضى عمري و تقدر تعتبرني
غريب .. و في زمن ماهو زماني

زماني راح مع نصفي .. و نصفي
نسى نفسه مع الوقت و نساني

أسافر حزن .. و الصحبه ثلاثه
أنا .. و الصبر .. و سهيل اليماني

و اذا مريت في بلاد الطفوله
فتحت الصدر للحزن و طواني



هنا .. دمعه جرت من عين جاهل
هنا .. لاقيت همي و التقاني

هنا .. باعتني الديره و أهلها
هنا .. ضحيت لفلان و جفاني

هنا .. حاولت أصيح و ما سمعني
سوى بعض الشوارع و المباني


انـــــا يا سيدي .. دقه قديمه
بغيت أخذ من الوقت .. و خذاني


على الأنقاض واقف دون حيله
أشوفك وجهتي بين المواني



اخذت بعض منها... لعبدالله الذويبان

[نجديه]

--------------------------------------------------------------------------------

طفل يجوع : يقول مـــامـــا أبي هَــمّ ..!!
مايدري أن الهَمْ مـــاتت به أرواح ...

[طفل صغير] لا يحب ولا يهتم ..
ولايبكي .. ولايندم على الي راح ..

[طفل صغير] مادرس.. أو ..تعلم ..
وماتعلم كيف أحبابه يبادلونه جراح ..

[طفل صغير] ماعرف أبجديات الكلم ..
وماعرف طعم الألم .. وريحة الكذب لافاح ..

مادرى عن دنيا تصدم من ضحك .. أو .. تبسم
مادرى عن عالم يفقد طعم الإنشراح ..

وأنا كيف أشرح لطفل كم بيتجرع ألم ..؟
كم بيعايش من معاناة أليمه ماتباح ..!

كيف أشرح له شعور شخص [سجين] متهم ..
عايش هم أطفال وهم اطلاق السراح ..

كيف أشرح له شعور [ الفقير ] وحاله عدم ..
غارق بهم الديون وهم طفله اذا صاح ..!

كيف أشرح له شعور واحساس[ الأطرم ] ..
يبغى يشرح أويقول وكل مشاعره ماتباح ..!

كيف أشرح له شعور واحد من .[ الصم ].
يشوف من حوله يتشاور وماسمع الإقتراح ..!

كيف أشرح له شعور شخص [ مقعد ] وماتم ..
عايش تحت رحمة ..عاش مكسور الجناح ..!

كيف أشرح له شعور [ اليتيم ] لاأب ولاأم ..
تايه وسط الحياه بين هم وبين كفاح ..!

كيف أشرح له شعور من [ فقد ] خال وعم ..
وعايش وسط ذكرى وذكريات ماتزاح ..!!

كيف أشرح له معاناة تشرب من أحبابك سم ..
ويخطون ويجرحون ويجون يطلبونك سماح ..!!

كيف أشرح شعور [ لابكيت ]الدمع دم ..
تبكي أنت طول يومك ليلك وحتى الصباح ..!

كيف أشرح له شعور شخص [ ميت ] ومغرم ..
وتاركه ذاك المحب وهاجر عنه وراح..!!

وكيف أشرح له العِشَره بكل سهوله تنهدم
ويموت قلب الحب ذاك ويندفن وسط الجراح ..!!

كيف أشرح وكيف أقول انكسر سن القلم ..
وماتت أبياتي وضاعت أحلامي وسط تيار الرياح ..

كيف أشرح ذا لطفل يبتسم ويبغى له هَــمّ ..؟!
وش أعطيه من هُمُومي وأصغرها ماتباح .؟!

ياحبيبي روح ألعب ثم تعال نرسم(علم ) ..
ونلونه بألوان طيف زاهيه فيها طعم الإرتياح ..

وسكر الدفتر حبيبي وخله بأدراجك يتم ..
وافتحه لاضاقت همومك واعرف الهم ماهو مزاح ..

واذكر أنك أنت قلت: ماما أنا أبي هم ..!
هذا همك ياحبيبي ومابينفعك الصياح

[بروق السحايب]

ياراسي بالقلب قلبي ما رسى=تعلم اسرار العيون وسر عيني تجهله
ياكاسي همي وهمي ما اكتسى=ترمي اسراب الظنون وظن سربي تنشله
يا ناسي دمي ودمي ما نسى=.تقضي ايامك جنون ويوم عقلي تسلبه

[بروق السحايب]

أحب فيك الوقت لا غابوا الناس=وأحب فيك الناس لا صرت موجود
وأحب فيك الليل لا صار هوجاس=وأحب باكر دامني فيك موعود
كيف أتنفس وأنت ما غيرك أنفاس=قيدتني وحريتي صارت قيود
كيف اجتمع بك كل مابي من إحساس=كيف اختصرت الكون بعيونك السود
وش سهّرك فيني وأنا كلي نعاس=وش طولك فيني وأنا كلي حدود
اعشق جنوني فيك وارفع بها الراس=وان فيني ناقص قلتي نقصي هو الزود
ما هو بكيفي والظمأ يكسره كاس=بشرب ظماك ويرتوي يابس العود
دام الرجاء لي فيك ما يعرف الياس=ليه انتظر موتي وأنا فيك موجود

[نجديه]

يا وجودي كل ما هب نسناس الشمال
وجد من حده زمانه على اللي ما يبيه

و يا وجودي كل ما أضحيت ثم مال الظلال
لا غفت عيني و لا ذقت شي مشتهيه

وجد من قفى و هو في رجا كلمة تعال
و التفت من عقب ما أقفى و لا احد لد فيه

و يا عذابي لا دنا الليل من روس الجبال
و أنتهى يوم من العمر ما عاد أرتجيه

و أنتي أبعد من سما الحلم و وصالك محال
يا بعد من هل دمعي ضحى الفرقا عليه

يا غناتي لا تحسبين دمعي يوم سال
ضعف و لا خوف و لا كذا ولا كذيه

و الله اني من رجال يضدون الرجال
لكن الحظ الردي ساق دمعي كل أبيه

و الله اني كل ما دار حواليك الجدال
قمت كن الموت يشر على قبري بديه

و الله ان قد لي و أنا أصد لا جالك مجال
صدة اللي لا تضايق تذكر قبر أخيه

و من سألني قلت مدري و اذا عاد السؤال
قلت له تكفي سؤالك ترى ما هو وجيه

وش تبي أقول عمن ترى ذبحي حلال
و الخطا منها علي صرت أحبه و أهتويه

عذرها لو ما تعذر مثل و أضرب مثال
واحد ما يعرف الحر الأشقر يشتويه

و أن رجعنا للتواصيف لله الكمال
لنتهى ليل المزايين جاتك تبتديه

كنها غفل مع البدو طاويها الحيال
ما يميز وصفها الا نبيه من نبيه



يــــــا وجودي ...ضيدان بن قضعان

[نجديه]

في غـــــــــــــــــربــــــــــتــــــــــي.....

في غربتي تغرب النور عن عيني
وش حـــــاجـــتـــي في نـــور عــين غاب غالـــيها
***
أمر السفر يا نظر عيني قضى فيني
نـفسي عــلى ما تعـــــف أمــــــــر الله حـــــاديهـا
***
يمك حبيبي عظيم الشوق يدعيني
يســــري بعــروقي كمـا يـــسري الدمــــــا فيهــــا
***
علي خطرها حياتي يا معنيني
بعــــدك عطبهـــــا وشــــــوفك حيــــــل يشفيهـــا
***
أخاوي الليل وهاجس ليل يخاويني
يمـك ســــرابي داعــــي الذكــــرى بحـــاليهــــــا
***
أقضي بدنيا لعيني شوفها مشيني
إلــــى متــــى عــــيني علـى شــوفك تمنيهــــــــا

***