بعثره ... خاصــــه ؟

[خليل المطيري]

بسم الله الرحمن الرحيم

حزن القصائد مصدره قلب محزون = عسى الفرح يكبر ويكتب قصايد
الحزن له في عالمي دوم مخزون = يوم الفرح عندي يجيني محايد

خليل المطـــــــيري

[خليل المطيري]

بسم الله الرحمن الرحيم

الشعر قبلك كان عندي ولا شي = ومن يوم جيتي صرت كلي قصايد
واليوم يمكن خاطري ينكوي كي = باصبر واقول الصبر والصبر قايد

خليل المطـــــــيري

[خليل المطيري]

بسم الله الرحمن الرحيم

لا لا تقولي خلي الوقت يحكي = خلي ليالينا تسولف علينا
خلي زمان الصمت يحكي ويبكي = وخلي هموم ما بدت تحترينا

خليل المطـــــــيري

[خليل المطيري]

بسم الله الرحمن الرحيم

لو يدري الانسان ما جاء مع الطف = الارض مبسوطه وفيها رعووووونه
لا تحسب إن الوقت صافي كما الكف = الوقت ما بين القسى والليوووونه

خليل المطـــــــيري

[خليل المطيري]

بسم الله الرحمن الرحيم

قلبي عرف قلبك وقلبك عرفني = والعرف بين قلوبنا سكة الخير
امشي واقول الحق مني وعني = والقلب لك مفتوح ما يقبل الغير

خليل المطـــــــيري

[خليل المطيري]

بسم الله الرحمن الرحيم

اشوف انا الساعه تعادل دقيقه = لا صرت حاضر يسرعن الدقايق
هذا كلام القلب واصله حقيقه = هذا كلام الحب واصل الحقايق

خليل المطـــــــيري

[خليل المطيري]

بسم الله الرحمن الرحيم

مدري علامي قلت مدري علامي = هواجسٍ تطري على القلب ويذوب
احيان اقول إني من الحب ضامي = واحيان اقول إني من العقل مسلوب

خليل المطـــــــيري

[خليل المطيري]

بسم الله الرحمن الرحيم

ياليت ما تنفع ليا قلت ياليت = لكن اعبر عن مدى ليت فيها
يا ما كتبت وقلت يوم و تمنيت = إني مع اللي خاطري يحتويها

خليل المطـــــــيري

[خليل المطيري]

بسم الله الرحمن الرحيم

بينت لك يا سيدي كل الاسرار = واصبحت صفحه بس وقع عليها
عطيتك علومي وكل الذي صار = واخباري انت اغلا بشر يحتويها

خليل المطـــــــيري

[خليل المطيري]

بسم الله الرحمن الرحيم

يا صاحبي راع الهوى ما هو حقود = يعطي وقلبه مع هوى خله سلا
لو كانت اجروحه مع عمره تزود = لا جات من ذاك الحبيب استقبلا

خليل المطـــــــيري