شوقــ اللـيــــــال ـ

[عبدالله العويمر]

الليل صحرا ، والسهر اقدام ، والغربه سؤال = والصبح خطوه ، والدروب ايام ، والموطن : عليل
والوقت ذكرى مؤلمه لاكفنت لحظة وصال = والعمر ماضي لااصبح النسيان في عينك قتيل!
البارحه مرّت علي لحظات ياشوق الليال = ماكنّها الاّ بيد ، والساعه ثوانيها صهيل
أحسها بين الألم واللو ، واجراس المحال = واشيلها لااقصى مكان ، ولااشوف انّي اشيل !
رفيف دمعي كذّبه عمري ، ولكن لايزال = وهزيم صدري ضجّ بي ، والدمع عيّا لايسيل
مااقسى من الخذلان لاشفته من احبابك وحال = بينك وبين الصد وجــد ٍ لاحدا في كل ليل
وان جيت اكابر واعلن المسفار نادتني :تعال = لحظة حنين ، وتنرسم صوره لها معنى جميل
الصدق فيني مايزال..وصدقهم من وقت زال !! = تغيّروا ، وانا احسب الخلّان ماتخذل خليل
مديت كفي من غلا،، وانا احسبه لي راس مال = واثر النوايا ماتبين الّا بعد وقت ٍ طويل
ماعادوا اللي يدّعون ان الوفا سهل المنال =ولاعادوا اللي عاهدوا،،ولاصار للعشره حصيل
ماصرت احس الليل شوق ، ، ولابقى للحب فال=الليل صحرا..والقدم حارت وضيّعت الدليل
كل اتجاهاتي عطش..كيف ارتوي؟هذا السؤال = والصبح خطوه ..والدروب ايام..والموطن: عليل

[عبدالله العويمر]

الارض ماشالت حزن..والريح لو هبت شمال


............................ماشالت إلاّ مايطيح ولاانكسر غير الهزيل!

[عبدالله العويمر]

مابقى الا انت، ياكبر الحزن


:::::::::::::::: لو خذلت القلب ، واعلنت الحداد!!

\
\
\
\
\
\
\
\

السما تزداد روعه بالمزن


:::::::::::::::والــهــوى قـصّــه نـهايـتهـا بـعاد!

[عبدالله العويمر]

أثـــــر المـشــــاعـــر عنـــدهــــا كالمــراجيح ،،،،،،،،،،وانا اعتــبـــر ضحكاتها لي هــدايا!!!

[عبدالله العويمر]

الله يسامح كل مخطي ومقفي


،،،،،،،،،،،،،،،،،الاّ انت ربي لايسامحك لااقفيت


الصدق؟في بعدك ترا الحزن نزفي


،،،،،،،،،،،،،وماهي بعيده لو يقولون لك ميت


واذا رضيت القى مع البعد حتفي!؟


،،،،،،،،،،،،،، ماني مسامح كان للحين ماجيت!

[عبدالله العويمر]

أقفى سحابك ، والجفاف بيديني


،،،،،،،،،،،،،،،،،وعيني تخيلك قبل ، والحين حارت


مــدري أدور فيــك عن فرح عيني!


،،،،،،،،،،،،،،،،،،والاّ أقــول لــرحلة العمر : جارت





ان قلت ظامي ، والعطش محتويني




،،،،،،،،،،،،،،،رد الصدى : رجلك على الوهم سارت

[عبدالله العويمر]

وطاحت مثل دمعه مرّت بخدي ،ولاطاحت

،،،،،،،،، تلاشت من جفاف ٍ ماعهد ملحه ، ولاعذبه


وانا الباقي ، وهي مرّت على عمري ، ولاراحت

،،،،،،،،بقت فيني ، مابين اهي الحقيقه أو هي الكذبه