ذوقك هو الأجمل .. أختر قصيدة وأعرض ما أعجبك بها من أبيات

[محمد الفرحان]

.

.

هذه قصيده للشاعر المبدع عبدالله مناحي البلوي

اتمنى ان تنال اعجابكم

بعض القصيد حروف تُكتب في هوا ميش الورق=وبعض القصايد نزف عرق القلب لامنه نـزف
والآدمي يسبح فـي الافكـار والـلاش يغـرق=واللي غرق في فكر راسه عن طريقه ينحـرف
بين الحقيقـة والخيـال اشيـا كثيـرة تلتصـق=اما الحقيقه موجعه واما الخيـال مـن التـرف
والآدمي من خلقتـه حتـى يغرغـر بالرمـق=عايش ما بين الحلم والواقع ضميره مـا نظـف
من سابق الايام لو يتعـب حصانـه مـا سبـق=ايامنـا بيـن المواعـد والمحـاري والصـدف
مدري متى يا (حظ) انـا ويـاك نبغـى نتفـق=بنهاية المشوار والـلا عنـد خـط المنتصـف
بكره تجي لحظـه وانـا ويـاك نبغـى نفتـرق=وليـا افترقنـا مايفيـد الدمـع لـو أنـه ذرف
تبغى تحاربني وانا اعزل لا حـزام ولا فشـق=عشت الحياة ولا لقيت اصلف من سواتك صلف
العود الازرق ينحرق والعود الاشهب ينحـرق=والفرق بالدخان والقيمـه ومجـلاس الشـرف
واللي خلقني نطفه وصارت بعـد مـده علـق=المرجله ما كل مـن ياصـل بحرها يغترف
اللي ضحك واللي بكى واللي سكت واللي نطق=الاربعه ما فيهـم اللـي لا قعـد حظـه وقـف
وانا صبور اصبر من البندق على صوت الطلق=والملح والعبرود والرامـي وتضييـع الهـدف