هاااجس

[فارس عبد العزيز]

المشاركة الأصلية كتبت بواسطة مازن الطباع

هاجس بالليل يأتينى
نتقابل أنا وانتِ وسط مشوار الحياه
متعجبين
ليه الحياه
سايبه الخلايق جنبنا . . . متربعين
فوق بساط الحب الأخضر
وإحنا ليه كدا محرومين
لحظه هنـا
متعذبين
وسط زحمه ناس بتملأ كفوفها . . هم
لجل تغسل وشها
ناس بتكتب بالآنين
والحزن والويل والألم
قصة ندم متلونه بلون الجراح
ولا الصباح
قادر يشق المحزنه
يوصل لنا
ولا أحنا حتى فـ يوم حاولنا
نشد حبلك يا أمل
نحو الشروق
وأتقابلنا
أنا وأنتِِ وسط مشوار الحياه
فايتين همومنا وحزننا
وفـى دمنا إحساس دفين
إحساس جديد
خلى نبض قلوبنا تايه عننا
ونادانا ليه
بكلام غريب علمنا بيه
معنى الأمل
علمنا كيف يبقى الشعور
بالحب جنه مزهره . . .
أحلى الزهور
ومشينا خطوه
اثنين
ثلاثه . . . فى سكه تانيه لوحدنا
حسينا انه عمرنا
ماهنفترق
نفس الطريق
نفس الشعور
نفس المعانى والخطاوى والأمل
نفس الأمل
وفجأة
خطيتى الشعور
حولتى روحنا لدمعتين
حنينك للماضى اللى كان
وإفتريتى ع الحياه
وقتلتى حب
جوا بطن الدنيا لسه
كان جنين



أخى مازن الطباع


الله الله
كلمات روعه يسلم قلبك ويسلم حبرك ويكثر من ورقك
الجميل البهى..الرائع المبدع أبن سوريا
عبق كلماتك عطر المنتدى بأريج من روائح الشوق والحب
لك كل الود ووردة ياسمين يحملها عصفور صغير على بابك كل صباح
لك كل مودتى
أخيك
فارس