تجري بنا الدنيا

[قديم الشوق]

المشاركة الأصلية كتبت بواسطة محمد بن قطنان

مساء الخير لكل الاعزاء

ياشينها لاصرت شفق(ن) ومحتار=قلبك يسوقك بس عقلك كزومي
لاصرت تتـفرّج على حلم منهار=مثل الهدام اللي كفاه الطمومي
ياخفق قلبي خفق طار(ن) مع طار=يدعي جنون الليل ترغي وتومي
على نديم(ن) نزّحت داره اقدار=راعي حياً ما مزّعته السهومي
تجذبني طيوفه على راس تيار =ثم ارتعد كلّي تقول محمومي
واكذب على نفسي وادوّر لي اعذار=والهم نحيبي والعباير لهومي
ابيه واشفق له وعندي له اسرار=وتمنعني شبوحي وراية سلومي
كما صبي بدو(ن) غدى ركن طيار=قلبه على نطح المخاطر جزومي
يمر درب(ن) كان له فيه تذكار=فيه المطايا يسهجن الحزومي
يهوي عليهن هوية الطير, لاطار=ثم ينحرف ويلاه فوق الغيومي
طبعه شفوق وكن قلبه على النار=ويخاف لاتجفل جزال العلومي
مللّي يقول الشوق يودي للاضرار=لو هو صحيح ان كان صرت معدومي
كم لحظة جمّدتها سبق واصرار = لاحلام صبح(ن) في عيوني ترومي
ياقاه ربي من تباصير الاشرار=وعسى نصيبه من كبار القسومي
الله يوفقه السعد وين ماصار =وعساه من سود الليال معصومي
تجري بنا الدنيا على كل مقطار =والود في خافي خفاي محشومي
مر(ن) يقربنا الرجا بعض الاشبار= وامرار يصبح بالتمام معدومي
لولا الورق والقلم وانواع الاحبار = كان احترق قلب(ن)بجرحه زمومي
انا اشهد ان الشوق نار(ن) على قار=لاصرت من وصل النديم محرومي

الغالي / محمد بن قطنان

مساء النور ياغالي

وصح لسانك على هذه القصيدة الراقية والمميزة

شكرا ً لك من الأعماق

وتقبل فائق احترامي وتقديري

أخوك / قديم الشوق