.. فـارسـة أحــلامـي ..

[شيمة]

المشاركة الأصلية كتبت بواسطة عبدالله ذويبان

اسعد الله مساكم بكل خير

كل الشكر للجميع على حسن استقبالهم و ترحيبهم الحار

مشاركه بسيطه اتمنى ان تنال على الرضا

الشمس فوقي .. و الجمر من تحتي=و الموت خلفي .. و العرب قدامي
أحيان .. ودي بس آفل أجنحتي=و أطير لك .. من وحشتي و هيامي
و أحيان .. لا طالعت فوق .. و لحتي=دريت .. مالي غير سير أقدامي
بغيت أسولف لك عناي .. و صحتي!!=وشلون أجل تستحملين ألأمي؟!
جيتك .. و أنا فاقد جميع أسلحتي=يا كود باقي دفتري .. و أقلامي
حاولت أكابر في غلاك .. و فحتي=ألين .. عطرتي فمي و أكمامي
عرشك بعيني مكتمل .. و أن طحتي=منه .. يشيلك قلبي المترامي
كذا كذا .. و ان جيتي و الا رحتي=تبقين .. شيخة لحظتي و أيامي
يا آنسه .. فيني عساك أرتحتي؟=يالرميه اللي ما رماها .. رامي
رماني الله بالغلا .. و أجتحتي=قلبي .. و صرتي فارسة أحلامي
جيتي .. و غيرتي وطن .. و أصلحتي=نظامي .. و تكويني الأسلامي
و الشعر خصمي .. و الهوى مذبحتي=لكن معاك .. أزريت أشيل عظامي
كنت أحسب اني عارفٍ .. مصلحتي=حتى لقيتك .. تطعمين أيتامي
تبين هزمي بالهوى .. و افلحتي=هزيمتي .. بأمر المقام السامي
كبرتي بقلبي الين .. أصبحتي=مثل العلامه .. فارقه بأبهامي
يا أميرتي .. و ان جيتي و الا رحتي !!=مافيه غيرك ..يستحق أحلامي

اخوكم و تلميذكم

عبدالله

.
.

عبدالله /
وأشهد بالله انها من أجمل وأروع ماقرأت
تحفة فنية متكاملة النظم والرسم ..!!
عقد الماس على جيد الشعر
ووسام على صدر القصيد ..



كم أنا فخورة بك أستاذي
أعدت تدفق الدماء لقلبي من جديد / وهذا نادرا ما يحدث .



الله على هكذا نزف
وكأنه يقطر من شريان القلب وعروقه ..!!



و أحيان .. لا طالعت فوق .. و لحتـي
دريت .. مالـي غيـر سيـر أقدامـي
بغيت أسولف لك عناي .. و صحتي!!
وشلـون أجـل تستحمليـن ألأمـي؟!



ياااااااااااااااااه / كم أوجعتني يا حرف .