السماوة هل هي تشريف أو تكليف مادي ؟ شارك برأيك

[محمد الفرحان]

.

.

في اوروبا والدول المتقدمة :

اللي يسمي هو اللي يدفع السماوة ( امحق سلم )

وفي بعض الدول العربية ماتقدر تسمي على ابوك وهو حي

حتى لاتتفاءل عليه بالموت وقد تتحول التسمية الى قطيعة

بين الوالد وأبنه !

اعرف احد الاخوان السودانيين ومثل مانتم عارفين حنا

يالسعوديين ننادي الرجال بأسم ابوه وصرنا نناديه ابواحمد

لين شبك فيه الاسم وصار الكل يناديه به

مالكم في الطويلة :

تزوج الرجال وجاء له ولد وسماه أحمد على اسم الوالد

واظطرارا لان الكل يناديه ابواحمد حتى قبل الزواج

توقعوا وش اللي صار ؟

زعل عليه ابوه وقالت له امه والله لاقطع الديد اللي

ارضعك ! تتفاءل على ابوك بالموت !!

في الاخير عدله الى عثمان بعد مراجعة سنتين بين الجوازات

والسفارة السودانية

عندنا الوضع مختلف :

لازم تسمي على الوالد حتى لو أسمه قديم ( ياجماعة الولد بيتعقد )

واحيانا تتورط بكنية تطلق عليك وتجدها ملتصقة بك وتظطر

الى مجاراتها للنهاية :

احد اصحابي اسمه راضي وننادية ابوعفاف : الفنانة عفاف راضي

اظطر يسمي اول مولودة له بإسم عفاف وزعّل الوالدة الله يهديه

.

.

عاد بيكون لي رجعة للإجابة على جميع الأسئلة

.

.

مشكورة سراب على هالموضوع المميز

.

.

لاعدمنا تواصلك

.

.

تقبلي فائق تقديري واحترامي