ياخي بس
ياخي اسكت
والله إنك مشكلـه !
.
ياخي عـيـــش
تكفـا عـيـــــش
ولا تكثّــر اسئلــه !
.
كل شخص
وله ظروف
وله هموم
وله ألـم !
وله تعاسه
وإنتكاسه
وإنظلم !
.
ياخي .. بس مرّه أبي تسأل سؤال
وخل نفسك .. بالعقل .. تلقى إجابـه
كم حولك بالبشر .. ماهو بـ حال ؟
كل ما شاف الأمل .. همّه سرى بـه
كل ما حظه .. بعد عنّه ومـال
وإن بدا يصرخ .. محد حوله درا بـه
لا تمنّى .. إنتثر دمعه وسال
يدري .. إنه عاجز .. وحلمه نهابـه
وفوق هذا يبتسم .. طول الليال
وطول ماهو بالبشر عايش نِصابـه
يفرح ويبني الأمل .. فوق الخيال
ووسط لحظات الحزن ينسى عذابـه
هذا .. ما يترك فراغ ولا مجال
للهموم .. اللي تبي تاخذ شبابـه !
.
وإنت .. وش يفرقـك عنـه ؟؟
لا تقولّي
هو أكبر .. هو أقوى !
القوي الله
وربّي .. مدّنـا بـ عقـول !
أجل وشلون نتميّـز
إذا كان العقـل .. زينـه !
وبس نستخدمه
في
ليش ؟
وأنا تعبان ؟
أنا مليت ؟
أروح لمين ؟
يا هاجرني ؟
بلاش تغيب ؟
محد حولي يحس فيني ؟
.
ما يحتاج
جميع الناس
تدري عن همومك !!
ياخي عـيـــش
طلبتك عـيـــش !
إترك هالكلام
وعيـش
إترك هالهموم
وعيـش
إترك .. هدمك لنفسك
إترك .. عَجزك القاتـل
إتركها ظنونك يـا ضعيـف وعيـش
أبيك تعـيييييييييييش !
.
.
.
أنت غير مسجل في منتديات منابع الأدبية . للتسجيل الرجاء إضغط هنـا
22-11-2007, 09:45 PM
بسـام بن عبدالعزيـز 
العرض الشجري