(رسالــة..وكـنـدر..وشانـي..وكتكات..)

[ونات]

السلام عليكم
نشرت في المختلف عدد شهر 12 2006
علها تحوز على اعجابكم ..

.
.
.

عزاه يا وقت(ن) مضى عله يعود=يومه (ربيع ) ووقت (عطله) و (كشتات)
يوم اللقا ما فيه عيب(ن) ومنقود=فيه الهوا طاهر ونابع من الذات
نقعد ودوتنا بها الضو موقود=وريح الحطب ينثر على الجو نفحات
وخلي يحاكيني وأحاكيه بحدود=نحكي كلام العين للعين بـ سكات
نشرح هموم البعد.. ونجدد عهود=ونرسل شكاوي الحب بـقصيد وأبيات
ويقول: وين فلان؟! وآقول: موجود!=وكنه يقول : الحب ؟!.. وأقول : ما مات !
وهاذي عجوز(ن) فاهمه حروف وردود=تكشف (كلام الحب) لو صار نظرات
ويقطف من العيدان عود(ن) ورا عود=ويكتب على القاعه ( أحبك يا ونات )
وأخاف يفهم ما كتب جدي العود=وأخاف حساد الهوا حقد ووشاة
متعود يطرش مع حمود وسعود=رساله .. وكندر .. وشاني .. وكتكات
وآنا أطرشله من ( عيوني السود )=أجمل معاني الشوق والبعد خطوات
واليا أقبلت ديمة بها بروق ورعود=رديت للديرة معي ( جيش عبرات )
وأبكي .. زمان(ن) فات .. يا عله يعود؟!=يومه (ربيع ) ووقت (عطله) و (كشتات)

.
.
.
تحاياي العطرة

[حماد القريني]

صح لسانك وجاد نظمك

لاهنتي ولاهان راسك

تحياااتي

[مشاعل ابراهيم]

الراائعه وناااات


الله الله عليك
ولله درك على هذه القصيدة الراااائعه
التي بروعه حضورك ورقة توااااجدك
وصح لسانك مليوون ولا يكفوون
تحياتي لك ولقلمك الراائع

[حمد فرحان]

ونات


حروف حملت من الابداع الشيئ الكثير ان لم يكن أكمله

ابداع يستحق الاشادة و الاطراء

كل الأمنيات لك بالتوفيق ومزيدا من التألق

تحياتي

[( حايره )]

ونااااات

شكلنا إحنا اللي رحنا مع الذكريات

ذكريات جميله ننسى معها الحاضر

ذكريات كلنا نردد معها ونقول : ياليت تعود


الله عليك يا ونات

قصيدة فيها إحساس جمييييل

ألف ألف صح لسانك

ونتمنى ان نقرأ لكِ المزيد عبر صفحات منابعنا

[شامخ الرشيدي]

لاهنت ِ يا ونات ..
وصح لسانك


تقديري

ابو نايف :)

[باتل عبدالعزيز]

يكفي انها في مجلة المختلف ذات مساء :
دمت ِ بروعتك ونات ـ تقديري ،،،،

[رنين الماس]

نص راقي وقصيدة جميلة

يسلمو للروعة والجمال

صح احساسك ونبضك


رنين

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[بدر العرعري]

صح لساااااااااانك