|
(رسالــة..وكـنـدر..وشانـي..وكتكات..)
السلام عليكم نشرت في المختلف عدد شهر 12 2006 علها تحوز على اعجابكم .. . . .
عزاه يا وقت(ن) مضى عله يعود=يومه (ربيع ) ووقت (عطله) و (كشتات) يوم اللقا ما فيه عيب(ن) ومنقود=فيه الهوا طاهر ونابع من الذات نقعد ودوتنا بها الضو موقود=وريح الحطب ينثر على الجو نفحات وخلي يحاكيني وأحاكيه بحدود=نحكي كلام العين للعين بـ سكات نشرح هموم البعد.. ونجدد عهود=ونرسل شكاوي الحب بـقصيد وأبيات ويقول: وين فلان؟! وآقول: موجود!=وكنه يقول : الحب ؟!.. وأقول : ما مات ! وهاذي عجوز(ن) فاهمه حروف وردود=تكشف (كلام الحب) لو صار نظرات ويقطف من العيدان عود(ن) ورا عود=ويكتب على القاعه ( أحبك يا ونات ) وأخاف يفهم ما كتب جدي العود=وأخاف حساد الهوا حقد ووشاة متعود يطرش مع حمود وسعود=رساله .. وكندر .. وشاني .. وكتكات وآنا أطرشله من ( عيوني السود )=أجمل معاني الشوق والبعد خطوات واليا أقبلت ديمة بها بروق ورعود=رديت للديرة معي ( جيش عبرات ) وأبكي .. زمان(ن) فات .. يا عله يعود؟!=يومه (ربيع ) ووقت (عطله) و (كشتات) . . . تحاياي العطرة |
صح لسانك وجاد نظمك لاهنتي ولاهان راسك تحياااتي |
الراائعه وناااات
الله الله عليك ولله درك على هذه القصيدة الراااائعه التي بروعه حضورك ورقة توااااجدك وصح لسانك مليوون ولا يكفوون تحياتي لك ولقلمك الراائع |
ونات حروف حملت من الابداع الشيئ الكثير ان لم يكن أكمله ابداع يستحق الاشادة و الاطراء كل الأمنيات لك بالتوفيق ومزيدا من التألق تحياتي |
ونااااات شكلنا إحنا اللي رحنا مع الذكريات ذكريات جميله ننسى معها الحاضر ذكريات كلنا نردد معها ونقول : ياليت تعود الله عليك يا ونات قصيدة فيها إحساس جمييييل ألف ألف صح لسانك ونتمنى ان نقرأ لكِ المزيد عبر صفحات منابعنا |
لاهنت ِ يا ونات ..
وصح لسانك تقديري ابو نايف :) |
يكفي انها في مجلة المختلف ذات مساء :
دمت ِ بروعتك ونات ـ تقديري ،،،، |
نص راقي وقصيدة جميلة
يسلمو للروعة والجمال صح احساسك ونبضك رنين |
صح لسانك وتسلم يمناك حضور متألق ورائع تحياتي لك ولقلمك المبدع |
صح لساااااااااانك
|
| الساعة الآن 06:35 PM |
Powered by vBulletin® Copyright ©2000 - 2026
