( شفي على الرشاش ) مصافحه أولى

[محمد الضويحي]

كأول مشاركه احببت ان أطل بها على أعضاء منتديات منابع الأدبيه

أتمنى تنال رضاكم



من العراق وحتى القدس وصولاً لعرين الاسود كابل الجريحه إلى موطن الاصاله ومربط الجهاد قروزني الذبيحه
وعوداً على القدس وشيء من هموم الحياة وقلة الرفيق الصادق
ووحشة النفس من زمان أطبقت عليه الماديات

وقد وجدتني أكتب مايقرب الاربعين بيتاً في واقعنا الأليم
هموما أقضت مضجع نومي والهبت مشاعري
اترككم مع النص واريد رأيكم بكل صدق بعيدا عن المجامله البغيضه

البارحه عيني جزت لذة النوم = والليل جّلاب الهموم الثقيله
ابحر مع الهاجوس وغوص وعوم = وسج وابعد في بحور طويله
صكات بقعا تطعن الرجل بسهوم = وطعونها وسط الضلوع النحيله
امشي دروب التيه واطيح واقوم = كنّي على جمر الغضى والمليله
لا وا وجودي وجد من ساقه القوم = محكوم بالاعدام ظلم وحيله
يصيح بعلى الصوت (ياناس) مظلوم = الحكم صادر والمنايا تخيله
حسبي عليه الوقت سوابي علوم = لاهوب صاف(ن) لي ولالي بديله
دنيا دنيه كسبها اليوم معلوم = نطرد وراها والاراضي محيله
ياقلب لاتحزن ترى الرزق مقسوم = وترى الغني ياقلب كسب الجميله
المكسب اللي طاع ربه على الدوم = صلّى الفرايض والمصاحف دليله
المال يفنى والعمر كنّه حلوم = ولو طالت الأيام تبقى قليله
وين الخوي اللي يشاركّ الهموم = واليا حصل مكروه همّك يشيله
ناس تبيعك برخص المال وتسوم = خوّة طمع ونفوس عميا بخيله
ياما فعلنا الطيب في ناسً رخوم = ماتقدر الوقفات لو هي جزيله

عفناه من وقتً تسيّد به البوم = الله واكبر يازمان الفشيله
اليوم بوش العلج سيّد ومخدوم = تركع له الحكام تمسح نعيله
هذا الصحيح وباقي الهرج ملطوم = والكل يشهد يازمان الرذيله
بغداد راحت واطبق اليوم جاثوم = والنار تسّري والوضع عزتي له
والقدس تنخى والعرب مابها عزوم = رمز العرب قدّام عيني ذليله
واشوف كابل غيّر الوجه ورسوم = عقب الاسد سادة وجيهً عميله
وهذي (قروزني) دارها اليوم مهدوم = سطى عليها الدب والويل ويله
انا الذي ناديت والصوت مكتوم = والعز دربه شوك ياصعب نيله
مرحوم ياللّي فجر النّفس مرحوم = اختار موت العز واشفى غليله
أدمى عداه وقال لاربحت الروم = عزالله أن الموت أسعد وسيله
أما اعيش بعز والراس محشوم = أو هي شهادة والجنان الظليله
سلّم عليه الحر ما عاش مظيوم = حر تعلّى فوق راس الطويله
سلّم على سيد الرجاجيل شغموم = اللي غزا البرجين والخيل خيله
يالايمي كفّ المشاريه واللّوم = طب الجروح الغايره مستحيله
اسمع ونين الجرح والجسم محموم = مما جرى نفسي تردّت عليله
والدم ثار وثاري اليوم مردوم = حكم القوي والذيب نسمع عويله
ماعدت في حب الغنادير مهيوم = ولا عاد فيني للغضي أي ميله
شفّي على الرشاش لاصار ملقوم = ثلاث وثلاثين طلّقه صليله
نغزي على شارون ونرثع بشالوم = ناطى على غاربه ونقص ذيله
متى على الله نشفي الصدر يادحوم = أليا متى والقدس عينه هميله
نذر على رقبتي وانا فيه ملزوم = لشفي غليل الصدر واروي صميله
بدعيك يارحمن ياخير مزهوم = يامنجي موسى و ناصر خليله
ثبّت فؤادي لاغدى الموت محسوم = وافتح لي ابواب الجنان العليله
وختامها صلّوا عدد ما زخّت غيوم = على رسول الّله راع الوسيله

[جمال العتيبي]

محمد الضويحي

هلا فيك في منابع الادب

حظور للترحيب بك وساعود لنزفك لارتشف عذوبته

تقديري لك

اخوك

[فهد الدباسي]

محمد الضويحي


مرحباً بك يا محمد



حضوري هذا لـ الترحيب بك


و لـ النص عودةٌ مستقلةٌ تليقُ به


فـ انتظرني

[عبدالرحمن القاضي]

محمد الضويحي
صح لسانك وبيض الله وجهك على المشاعرالطيبة
دمت بخير

[مناحي سعود]

الله قصيده تعكس الواقع المرير

لله درك أخي محمد وصح لسانك............

[غريبة دار]

اخي محمد الضويحي

صح لسانك و جاد بيانك

قصيدة ولا اروع

تمنياتي لك بالتوفيق

اختك غريبة دار

[التميميه]

صح لسانك

وسلم بنانك

واعتلى شانك

جزله من راس جزل

[محمد الفرحان]

.

.


الشاعر الرائع

محمد الضويحي
.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

والشكر كل الشكر على تشريفنا بتواجدك . .

وياهلا بك ومرحبا بين اهلك واخوانك ومكانك العيون

والقلوب قبل المنتدى . . .

.

.

حضور للترحيب وسيكون لي عوده الى هذا المتصفح

الذي إزدان بك وبإبداعك . . . .

.

.


تقبل فائق تقديري واحترامي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[محمد الضويحي]

المشاركة الأصلية كتبت بواسطة جمال العتيبي

محمد الضويحي

هلا فيك في منابع الادب

حظور للترحيب بك وساعود لنزفك لارتشف عذوبته

تقديري لك

اخوك

الاخ الفاضل جمال العتيبي
هلابك وغلا وشاكر لك حضورك

وانت كا الوسم لايمل هطولك