لعيــــــــــونهاااااا مستعــــــــد ان الغــــــــي الشعــــــراء((شاعر سعودي))

[خليل الشبرمي]

المشاركة الأصلية كتبت بواسطة سالم محمد اليامي

صباحكم خير يالربع



صلو على النبي

لاصرت شاعر سعودي بـس ومفـوّه=اكتب قصايد وخـل النـاس يقرونـك
حبكاً وسبكاً تجـي بالغصـب والقـوّه=باسلوب راقي على كيفك ومضمونـك
امطر على ساحـة العشـاق برهـوّه=وامطر على قلب معشوقك ومجنونـك
هملل عليهم مثـل هتّـان مـن نـوّه=ارو الكبـود العطاشـا غـن دلعونـك
مادام شاعر وعاشـق ماتبـي سـوّه=ومادام محبوب قلبـك ينثنـي دونـك
اللـي غرامـه تغلغـل داخلـي جـوّه=بيـن الحنايـا ونـا لبيـت ياعونـك
ياواحـة الشعـر والتفكيـر وزهـوّه=يادبلجة0ترجمة0تنسيـق مسكـونـك
يافكر(ابن عسكر)) اللي شب لك ضوّه=يابرق ليلٍ لمع في طـارف اسنونـك
عرق الهوى في خفوقي((شدّه ولوّه))=شـدّه ولـوّه وانـا يازيـن ممنونـك
ياباشـة الغيـد ياطـرقـا ومحـلـوّه=مالـوم خالـك وعمـك لـو يحبونـك
جمر الهوى في خفوقي نـار محمـوّه=ارفق على قلبي اللي صـار مفتونـك
ياملهمـة شاعـرٍ لاهـام فـي جـوّه=شطب على اهل الجمال وقال يفدونـك
والشعر لجلـك يجـي واطيـه لعلـوّه=والغي هل الشعر في بيتيـن لعيونـك
مـادام بينـي وبينـك دم واحـمـوّه=وعلوم قوم وعزاوي قلـت ياعونـك
بس التفت لي وجر الصـوت بهـدوّه=قل جعلها المـوت نـاسٍ مايدانونـك
واسق الحنايـا وقلبـي بالهـوى روّه=وامك وابيك انسهم لا صار يدعونـك
خلك معي دام نفسـك صـدق مبلـوّه=ادمج حياتي وكوني في طـرف كونـك
ولا صرت ناوي على المسرى فقل توّه=توّ القمر يرسل خيوطه علـى هونـك
بجلس معك دام نفسـي منـك مطلـوّه=المشكله خايـف اهلـك لا يصيدونـك
لـن المعاليـق لـك بالحـب مملـوّه=واجزاء جسمي من الزلـه يصونونـك
حب بدوييٍ عفيف يخاف مـن سـوّه=ماهو بحب احضريٍ طـاش بجنونـك
حبيـت انـوّه بحـب البـدو وانـوّه=ياجعل جيلك مـن الخفـرات يفدونـك
اللي لهم في الهوى نخـوات ومـروّه=يرسمـك بالذاكـره ويفـز لطعونـك
اصلاً لمنـي نويـت اخـرب الخـوّه=قصرك محصن وجيشك واقفٍ دونـك
خلاص اخـر كلامـي ماتبـي سـوّه=والله يصبـر حنايـا قلـب فرعونـك

أنا اشهد

سبكاً

وحبكاً

وأسلوب رايق على كيفك




صح لسانك

صح لسانك

صح لسانك




وفيت وكفيت وارويت يالراوي



تحياتي وتقديري واحترامي


.

[سالم محمد اليامي]

سعود المحجان

مرحبا ومسهلا

صح بدنك

ولاهنت لحظورك الجميل


اخوك

الراوي

[سلمان العتيبي]

ياصباح الشعر

ياشعر

صح لسانك ياسالم

لاعدمت هالقصيد وراعيه

[سالم محمد اليامي]

مزون المحمد

صح بدنك

ولاهنتي

كل الشكر لاطرائش وتواجدش


اخوش

اراوي

[حماد القريني]

صح لسانك وجاد نظمك

لاهنت ولاهان راسك

تحياااتي

[سليمان العقيل]

لسانك وتسلم يمناك يالراوي

حضور متألق جدا واروع من رائع


تحياتي لك ولقلمك المبدع

[سالم محمد اليامي]

محمد الفرحان



يامرحبا ومسهلا

صح بدنك

واهنت يالغالي

شكرا لمرورك واطرائك

لاخلا ولا اعدم


اخوك


الراوي

[غريبة دار]

اخي سالم اليامي

صح لسانك و سلم بنانك

قصيدة ولا اروع

تحياتي لك

اختك غريبة دار

[سالم محمد اليامي]

عقاب النهار



يامرحبا ومسهلا يالغالي

صح بدنك

ولاهنت


لاخلا ولا اعدم منك


اخوك

ومحبك

الراوي

[عبدالله بن ظافر]

][®][^][®][

الشاعر والراوي
سالم اليامي
صح لسانك
قصيدة جميلة
من شاعر جزل ومتمكن
تقبل تحياتي
دمت بخير
الشاعر عبدالله بن ظافر

][®][^][®][