|
لعيــــــــــونهاااااا مستعــــــــد ان الغــــــــي الشعــــــراء((شاعر سعودي))
صباحكم خير يالربع
صلو على النبي
لاصرت شاعر سعودي بـس ومفـوّه=اكتب قصايد وخـل النـاس يقرونـك حبكاً وسبكاً تجـي بالغصـب والقـوّه=باسلوب راقي على كيفك ومضمونـك امطر على ساحـة العشـاق برهـوّه=وامطر على قلب معشوقك ومجنونـك هملل عليهم مثـل هتّـان مـن نـوّه=ارو الكبـود العطاشـا غـن دلعونـك مادام شاعر وعاشـق ماتبـي سـوّه=ومادام محبوب قلبـك ينثنـي دونـك اللـي غرامـه تغلغـل داخلـي جـوّه=بيـن الحنايـا ونـا لبيـت ياعونـك ياواحـة الشعـر والتفكيـر وزهـوّه=يادبلجة0ترجمة0تنسيـق مسكـونـك يافكر(ابن عسكر)) اللي شب لك ضوّه=يابرق ليلٍ لمع في طـارف اسنونـك عرق الهوى في خفوقي((شدّه ولوّه))=شـدّه ولـوّه وانـا يازيـن ممنونـك ياباشـة الغيـد ياطـرقـا ومحـلـوّه=مالـوم خالـك وعمـك لـو يحبونـك جمر الهوى في خفوقي نـار محمـوّه=ارفق على قلبي اللي صـار مفتونـك ياملهمـة شاعـرٍ لاهـام فـي جـوّه=شطب على اهل الجمال وقال يفدونـك والشعر لجلـك يجـي واطيـه لعلـوّه=والغي هل الشعر في بيتيـن لعيونـك مـادام بينـي وبينـك دم واحـمـوّه=وعلوم قوم وعزاوي قلـت ياعونـك بس التفت لي وجر الصـوت بهـدوّه=قل جعلها المـوت نـاسٍ مايدانونـك واسق الحنايـا وقلبـي بالهـوى روّه=وامك وابيك انسهم لا صار يدعونـك خلك معي دام نفسـك صـدق مبلـوّه=ادمج حياتي وكوني في طـرف كونـك ولا صرت ناوي على المسرى فقل توّه=توّ القمر يرسل خيوطه علـى هونـك بجلس معك دام نفسـي منـك مطلـوّه=المشكله خايـف اهلـك لا يصيدونـك لـن المعاليـق لـك بالحـب مملـوّه=واجزاء جسمي من الزلـه يصونونـك حب بدوييٍ عفيف يخاف مـن سـوّه=ماهو بحب احضريٍ طـاش بجنونـك حبيـت انـوّه بحـب البـدو وانـوّه=ياجعل جيلك مـن الخفـرات يفدونـك اللي لهم في الهوى نخـوات ومـروّه=يرسمـك بالذاكـره ويفـز لطعونـك اصلاً لمنـي نويـت اخـرب الخـوّه=قصرك محصن وجيشك واقفٍ دونـك خلاص اخـر كلامـي ماتبـي سـوّه=والله يصبـر حنايـا قلـب فرعونـك |
الراوي صح لسانك جزله من جزل تقبل تقديري |
.
. شاعري سالم محمد اليامي ( الراوي ) . . سأعود يامبدع . . |
مـادام بينـي وبينـك دم واحـمـوّه وعلوم قوم وعزاوي قلـت ياعونـك بس التفت لي وجر الصـوت بهـدوّه قل جعلها المـوت نـاسٍ مايدانونـك واسق الحنايـا وقلبـي بالهـوى روّه وامك وابيك انسهم لا صار يدعونـك خلك معي دام نفسـك صـدق مبلـوّه ادمج حياتي وكوني في طـرف كونـك كل عام وانت بخير سالم اليامي كالعااااده حضوور قووي من شااعر قوي صح لسانك قصيده راائعه بكل المقاييس سجل اعجابي اخوك محمد |
سلمت وسلم نبضك على هالنص الراقي سجل اعجابي ومتابعتي ولك تحياتي |
الاخ الشاعر والراوي
سالم محمد اليامي رائعه يابعدي وانت الاروع قصيده جزلة من شاعر جزل صح لسانك وسلم بنانك لاخلا ولاعدم اخوك المغيليث |
الغالي
سالم كل عام وانت بخير ياهلا فيك وبحرفك نص جميل سلم قلبك وحرفك دمت بود |
. . يا مرحبا يا واحة الشعر وفوح نرجسه وكاديه ومشمومه . يا عل وبل الهمايل يسقيك كل عام وربي على قلبك يدومه الراوي كريم يااليامي جزل تروي الأعماق من زلالك عسانا من نخلا من بارقك وهمّالك . |
/
\ " أم ـام هذا الج ـمال الذي يم ـيل الغيم بأنامله و يسكب المطر .. على الروح و يزيد اخ ـضرار الم ـساحات حولنا ليس لنا إلا التأمل رائع و أكثر |
جمال العتيبي
صح بدنك ولاهنت اخوك الراوي |
| الساعة الآن 03:52 AM |
Powered by vBulletin® Copyright ©2000 - 2026
