_+/.. (( زيـــف وخـــــداع )) ..\+_ مصافحة أولى

[نايف المحينيش]

السلام عليكم ورحمة الله وبركاته

مشرفين واعضاء هذا الصرح الشامخ

اسعد الله جميع اوقاتكم بكل خير

الشكر وكل الشكر والتقدير للاستاذ والشاعر / محمد الفرحان على الدعوه الكريمة

وعلى هذا الشرف والثقة التي منحني إياها لأكون احد ابناء هذا المنتدى الراقي برجالاته

تمنياتي ان اكون عند حسن ظنه وظن الجميع بي .......

متواضعه اضعها بين ايديكم كمصافحة اولى وكعربون محبه علها تليق بكم وتكون في حجم

ذائقتكم الشعريه


صـلـّوا على النبي

الخـوّه اللي كلها زيف وخداع=عيب ٍ على الرجال يطرد وراها
والخـوّه اللي تجعلك بأسفل القاع=خلك بعيد ولاتجي مستواها
هذي نصيحة واحد ٍ ماله أطماع=ونظرة عيونه مبعد ٍ في مداها
أنشد مجرب عن دوا بعض الأوجاع=يعرف مرض بعض النفوس ودواها
اللي ورى كثر الاقاويل منصاع=لاعاد تنشد هرجته وش وراها
لاجات له صاعين يكيلها صاع=يدمج مرارة هرجته في حلاها
يشبع من اعراض الاوادم ليا جاع=مبلي ونفسه زايد ٍ في بلاها
واللي ورى عيوب المخاليق تباع=وعيوب نفسه ياكثر مانساها
بيته قزاز ويحذف الناس باذراع=وبكره عليه الناس تحذف حصاها
واللي معك في خوته دوم طماع=خوة مصالح واضح ٍ مبتغاها
لأحتاجلك يبديلك الطيب بأنواع=ويبعد عنك لو حاجته ماقضاها
مادام خوتهم على زيف وخداع=خوة هذولي يافهد مانباها
الله ولاخوة رديين الاطباع=اللي فعايلها تدنس لحاها