( عـيـديّــة ) العيد الأول ..

[محمد الفرحان]

يا عيد ماعـندي كلام ٍ بقـــــوله=الشوق كاذب والمشاعــر دخيـــله
يا عيد أنا لي فيك ذكرى طفـوله =بس الزمن يا عيد ما فيه حيـــــــله
أنا ادري إن النفس ثـكلى جفوله =العيد راح وما توا أفـراد جيـــــله
أول وانا لي فيك صوله وجوله =واليوم مثـلك غاب واعـلـن رحيله
إلى متى والنفس فيك امهـبوله=الحــال واني والليــالي طــــــويله
يا ليت عيد اول ّ تأخـــر أفــوله=واقبل جريح الوقـت واروى غليله
يا زين عيد أول ّ وذكره وزوله =ويا زين صبـــــحه لاتجلّى وليله
ويا زين ناســه طـيبين العموله=أهل الوفا والدين واهل الفضيله
لاجا بشير العيد واعلن حلوله=تباشروا به كل أهل القبــــــيله
واجتمعوا اطفال البلد والحموله =كل ٍ يبي عيديته والحصــــــــيله
كل ٍ صباح العــــيد زهّب ذلوله=واقبل على اهل الطيب قلبه دليله
أحد ٍ خـــذا عيديته بالســــهوله= واحد ٍ تباطاهم وقفـّى بخــــــــيله
اللي عطاهم ودّعوه ودعوا له= واللي تعـــــذر دوّروا عــن بديله
أحد ٍ كفوفه بالهدايا وصــــوله=واحــــد ٍ يدينــه بالعطــــايا بخيله
واحد ٍ يغـلـّـظ من ورا الباب قوله=واحد ٍ يوفــّي لا اقبلوا صـاع كيله
حسبي على الايام دايم عجــوله=كم فرقـت ما بيـن خل وخلــــــيله
وياعيد ماعندي كــــــلام ٍ بقوله = الشوق كاذب والمشـــــاعر دخيله

.

.

شاعرنا

قديم الشوق

كل عام وانت بخير وياليت عيد اول تأخر افوله

.

.


صح لسانك

وصح قلبك

وصح كلك

على هذه القصيده الرائعه بروعة

حضورك وتواجدك . .

.

.

حضور جميل وقصيده تستحق

القراءه لأكثر من مره . . .

.

.

دمت بهذه الشاعريه . . .

.

.

تقبل فائق تقديري واحترامي

[فهد الدباسي]

كل عام و أنت بخير و صحة و سلامة يابو نواف

هي صح متأخرة


بس تستاهل من يعني لك يعايدك



حضورٌ مشرفٌ لنا بـ لاجدال



صح لسانك و لاهنت

تقبل تحياتي

.

.

شاعرنا

قديم الشوق
.

.

صح لسانك ويسلم بنانك

.

.

حضور جميل وتواجد يستحق الاحتفاء

وشاعر نطرب لمعانقة جديده . .

.

.

سلمت وسلم نبضك واحساسك ودمت

مبدعا" بكل حالاتك .

.

.

تقبل فائق تقديري واحترامي

[رنين الماس]

شاعرنا المبدع


صح احساسك ولسانك


ولاهنت


مودتي


رنين