|
( عـيـديّــة ) العيد الأول ..
أخواني الكرام مشرفو وأعضاء وزوار منتديات منابع الأدبية ..
السلام عليكم ورحمة الله وبركاته في البداية أحب أن أهنئكم بعيد الفطر المبارك أعاده الله علينا وعليكم باليمن والامان والمسرات وأسأل الله تعالى أن يتقبل مني ومنكم صالح الاعمال إنه سميع مجيب .. ويشرفني المشاركة بهذه القصيدة التي تحكي واقع العيد في بعض السنوات التي خلت .. وأتمنى أن تلامس شيئاً من مشاعركم وتقبلوا خالص حبي وتقديري.. يا عيد ماعـندي كلام ٍ بقـــــوله ...........الشوق كاذب والمشاعــر دخيـــله يا عيد أنا لي فيك ذكرى طفـوله ...........بس الزمن يا عيد ما فيه حيـــــــله أنا ادري إن النفس ثـكلى جفوله ............العيد راح وما توا أفـراد جيـــــله أول وانا لي فيك صوله وجوله ............واليوم مثـلك غاب واعـلـن رحيله إلى متى والنفس فيك امهـبوله ............الحــال واني والليــالي طــــــويله يا ليت عيد اول ّ تأخـــر أفــوله ............واقبل جريح الوقـت واروى غليله يا زين عيد أول ّ وذكره وزوله .............ويا زين صبـــــحه لاتجلّى وليله ويا زين ناســه طـيبين العموله ..............أهل الوفا والدين واهل الفضيله لاجا بشير العيد واعلن حلوله ..............تباشروا به كل أهل القبــــــيله واجتمعوا اطفال البلد والحموله ..............كل ٍ يبي عيديته والحصــــــــيله كل ٍ صباح العــــيد زهّب ذلوله ..............واقبل على اهل الطيب قلبه دليله أحد ٍ خـــذا عيديته بالســــهوله .............. واحد ٍ تباطاهم وقفـّى بخــــــــيله اللي عطاهم ودّعوه ودعوا له ............. واللي تعـــــذر دوّروا عــن بديله أحد ٍ كفوفه بالهدايا وصــــوله ............ واحــــد ٍ يدينــه بالعطــــايا بخيله واحد ٍ يغـلـّـظ من ورا الباب قوله ........... واحد ٍ يوفــّي لا اقبلوا صـاع كيله حسبي على الايام دايم عجــوله .......... كم فرقـت ما بيـن خل وخلــــــيله وياعيد ماعندي كــــــلام ٍ بقوله ........ الشوق كاذب والمشـــــاعر دخيله قديم الشوق |
قديم الشوووووق لقد رسمت لنا الوضع كما هو لإن العيد لم يعد كما كان تغيّر فيه كل شيء أو أنه لم يتغيّر بل نحن من تغيّرنا !!!! فلم نعد نشعر بتلك الفرحة بالعيد ولم تعد القلوب متصافية كما كانت الكثير والكثير من الأمور أختلفت ألف صح لسانك ولا هنت |
:
كل عام وانتم بالف خير.. على قولت اختي حايره العيد لم يتغير بل نحن من تغير.. قديم الشوق صح لسانك لاهنت .. وان شاءالله تكون اعيادنا كلها سعيده ..وفرح أحترامي لك.. . |
الرائع قديم الشـــوق
ماهو غريب عليك هالابداع يالغالي لله درك يا شاعرنا الرائع الف صح لسانك وقلبك على هذه الرائعه التي تشرفت بمعانقة حروفها دمت بألف خير |
صح لسانك وجاد نظمك لاهنت ولاهان راسك تحياااتي |
قديم الشوق كلمات أتت بالماضي في قالب الحاضر عبرت عن الواقع وعن الطفوله وشقاوتها صح الله لسانك ولاهنت تحياتي لك ولقلمك الأنيق |
قديم الشوق حرف رائع اسعدنا تواجده صح لسانك ولاهنت دمت بألف خير |
كل عام وانت بخير
ما شاء الله ابدعت اخي الكريم الله يعطيك العافية.. |
قديم الشوق http://ccs.jeeran.com/p2.gif صح لسانك ولا هان منطوقك وكل العمر وإنت بخيـر http://ccs.jeeran.com/p2.gif احترامي |
صح لسانك وتسلم يمناك حضور متألق ورائع تحياتي لك ولقلمك المبدع |
| الساعة الآن 03:01 AM |
Powered by vBulletin® Copyright ©2000 - 2026
