مصافحة أولى "ماجيت ادور عن الالقاب والشهرة"

[التميميه]

ما جيت أدور عن الألقاب والشهرة = ما دمت شاعر بعين الزين يكفيني
والشهرة اللي بها الشعّار منبهرة = صدقني إنها أمر عادي وروتيني
بس إني حبيت أعلم وجه ابن فهرة = يقول منتب كفو للشعر وش فيني
يا حر قلبه وياناره ويا قهره = لامن قرالي قصيدة أو دواويني
يا هيه وقت التسامح إنقضى دهره = تبطي عظم ما تحرك شعرةٍ فيني
ليه أستعير الشعر ونا على نهره = ليه أسرقه دام هو خاتم بيديني
من كل بستان شعرٍ قاطفٍ زهره = مسحوبٍ وسامري وهلالي وهجيني
وما دمت أنا وأنت من دم ومن ظهره = وش فيك ؟ وشفيك ؟ دايم ما تدانيني
ما همني غير سيد الغيد والطهرة = لا قال عطني قصيدة قلت من عيني
لا غاب عني أبد ما تكمل السهرة = وكني معيد إلا شفته بعيديني
البدر ما يكتمل إلا نصف شهره = وإنتي كملتي بكل لحظة وكل حيني
روحك بروحي غدت يا شوق منصهرة = حتى غديتي من أعضائي وتكويني
خيّال أنا وإنت يالمحبوب لي مهرة= ودي أعسفك ولكن وينك وويني
قلبي يحبك نطقها بسره وجهره = اي والله إنك سكنتي في شراييني
لرضاك أسوق العمر لو العمر مهرة = والعمر وشهو ؟ العمر لو ما وصلتيني
وإن كان خفتي تغير نظرتي الشهرة = لا بوه شعرٍ وشهرة عنك تقصيني

8
8
8
8

كذا وبس احب الشعر

كذا وبس يكون شعر

وربي ابدعت

ماشاء الله تبارك الله

نص شامخ من راس شامخ

وربي شاعر وسيد الشعار بعد

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[فهد الدباسي]

حزين الحرف

عبدالرحمن سعد



لازلت أتذكر قراءتي الأولى لـ هذا النص


شرفتنا يا عبدالرحمن



سـ أعود لـ معانقة هذا النص الفاخر

[مزون المحمد]

.

.

حضور أول

ولي عوده

[فهد الدباسي]

عبدالرحمن سعد



نصٌ راقي و حضورٌ عذب



استمتعت كثيراً بـ القراءة منذ قرأته لـ المرة الأولى



حضورك شرف لنا



صح لسانك و لاهنت

تقبل تحياتي

[عبدالله الخليفة]

عبدالرحمن بن سعد


حضور أنيق


و نص ممتع


صح لسانك


شكراً لك

[عبد الرحمن سعد]

ونين
صح بدنك ولاهنتي
انا وقصيدتي من تشرف
بقرائتك لها وردك عليها

[عبد الرحمن سعد]

أخوي جمال
صح بدنك ولاهنت على هذا الجمال في الرد
لك الود

[عبد الرحمن سعد]

أخوي نايف
صح بدنك ولاهنت على الرد
الجميل لك مني كل الود والاحترام

[عبد الرحمن سعد]

عبد الله العويمر
صح بدنك ولاهنت
اسعدني تواجدك
في قصيدتي