هو صحيح اللي حصل والا خيال

[همسة غلا]

اعلن الربان فالرحله خطر = والخطر وارد على كل احتمال
نزل الركاب يامرهم امر = وانزلوا ركابها والحال حــال
جاهم الاعلان من ضابط خفر = قلت اقضي الوقت قبل الارتحال
ديرة المحبوب بجوار البحر = فدوه لعيونه نويت الارتجال
والقدم سارت يمشيها القدر = والثواني تنتظر وقت الوصال
صدفةٍ مرت وما زالت تمر = والفكر حاير بوصله والفصال
بين تصديقٍ وتكذيب الخبر = حالتي حاله وطال الليل طال
شفت من لاشافته عيني تسر= عيني بعينه وبعدنا المحال
ما عرفني لكن اطباع البشر = والقلوب الصادقه فيها اتصال
يا ثوان العمر ما فيها مفر = اصبري لو ضاع تفكيري وجال
عشت وقتي له وغرقني مطر =واندهش مثلي ونظراته جدال
كانت ايده ماسكه غرشة عطر = طاحت وصارت مثل حب الرمال
عطرها فاح وحوالينا انتشر = وانعقد مني لساني واستمال
مدري ان كانه عرفني وانبهر= اعتقد قلبه دليله عنه قال
المهم انا اشتبكنا بالنظر = وما صحيت الا على صوت ارتحال
واعلنوا الرحله وبالخاطر كسر = وصمتنا مازال كنا في ظلال
ليت ما كنا ولا كان السفر = وليتني ما اعطيت للفكر المجال
ما بغيت ارحل ودمعي ينهمر = طار عقلي او حصل فيه اختلال
ذا جنون الحب لكن من غفر = من يقول الحب ينعت بالخبال
كيف اودع من وقف معه العمر = كيف ابا اشرح قصتي واضرب مثال
الدقايق تزدحم خمس او عشر = وافترقنا ما بقى غير السؤال
وانقطع مني وساءلت الفكر = هو صحيح اللي حصل والا خيال

وكل عام وانتم بخير

[محمد بن مشاري]

وانتي بالف خير





والله على هالرحله ليتني فيهأ





رائعه ياهمسه





وكلمه رائعه قليله بحق اسطرك وبحقك





صح لسانك ولاهنتي





وصح بوحك يالجزله





كان لي الشرف للمرور فلا تحرمينا جديدك




تحياتي لـك

[الدانه]

همسة غلا





صح الله لسانك




ولاهنتي يا رائعه






ودي وتقديري

الدانه

[قديم الشوق]

أختي الغالية / همسة غلا ..

صح لسانك ودام إبداعك

قصيدة أكثر من رائعة من شاعرة متمكنة

شكرا ً لك من الأعماق

وتقبلي خالص تحياتي

أخوك / قديم الشوق

[( حايره )]

كم هو الوقت الذي مرّ ؟؟

كم كانت سرعة نبض القلب ؟؟

كم هي الدموع التي تساقطت في هذا الموقف ؟؟

لماذا لم يتوقف الزمن بتلك اللحظة ؟

لماذا لم تتأخر لحظات الفراق ؟

كم هو الفراق مؤلم وقاسي


همسة غلا

كتبتي فأبدعتي

ألف تحية لنبضك

[عبدالرحمن بن عمير]

الشاعره


همسه


صح السانك ملايين ابدعتِ في صياغتهاا



لله دررك


تحيتي لكِ

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[مزون المحمد]

همسة غلا



رائعة بحضورك الجميل


صح لسانك ولاهنتي

[فهد الدباسي]

و أنتي بـ خير و صحة و سلامة



حضورك مطلب أختي و تواجدك معنا دائماً شرف



سعدتُ كثيراً بـ هذا النص

و سعدتُ أكثر بـ حضور اسمكِ هنا



صح لسانك أختي

تقبلي تحياتي

شاعرتنا المبدعة


همسة غلا


صح احساسك ولاهنتي


إيمان