تطمــــــــــــــــــني

[عبد الرحمن سعد]

السلام عليكم ورحمه الله وبركاته
أخواني الأعضاء هذه قصيده من قصائدي الجديدة التي
أتمنى أن تجوز على رضاكم وإعجابكم وأن يكون لها صدى طيب
إليكم نزفي وصدق حرفي

تطمني محبتك مثل ماهي = لو غبتي عن عيني ليالي مع شهور
حتى ولو عذرك ضعيفٍ وواهي = من قبل لاسمع عذرك آقول معذور
مادامني أعرف شعورك تجاهي = ما اسمع بك العاذل ولا اطيع بك شور
مهما حكولي مايثير اشتباهي = ماهز فيني صورتك هرجة الزور
ياللي بشوفك زال همي وآآهي = الوصل دكتورٍ ولا أي دكتور
لوّي بحر والصبر منبع مياهي = من حر شوقي جفت بحور وبحور
يحق لك يانور عيني بتاهي = ويحق لي في حبك أكون مغرور
مادامني شاعرك لازم أباهي = أعجابك أبدا من مجلة وجمهور
كم بنت غايتها تشد إنتباهي = وأصبح لها عاشق متيّم ومأسور
لو كيفها حطت غلاها بشاهي = وأسقتني منّه لجل أنا آصير مسحور
ماتدري إن الحب آمر وناهي = ينهيني عن غيرك ولك صرت مأمور
ياهي غريبة قصتي معك ياهي = أصدق من الواقع وأغرب من أسطور
لو مثّلت بالسينما والملاهي = أطلق ممثل ما عرف يظبط الدور
من قبل أعرفك كنت ساهي ولاهي = مادار في بالي ولا يمكن يدور
إني أحب ولي عليها نواهي = عيب علي و فوقها إثمٍ وجور
ومن يوم شفتك قلت للقلب كاهي = هذي وبس اللي لها تبني قصور
وقالت بدون أشعر "أحبك" شفاهي = لا وش شفاهي قالها قلب وشعور
ياأم العيون الحور والرمش ساهي = رمشك سهم والقوس عينينك الحور
أنا بحلم ولا بعلم يا إلاهي = أنتي بشر يابنت ولا من الحور
بالمختصر يا موديتنا بدواهي = من شاف زينك غصب يخرج عن الطور

وسلامتكم
اخوكم
عبد الرحمن سعد الدوسري
حزين الحرف

[مزون المحمد]

عبدالرحمن بن سعد



حضور رائع ومختلف


لله درك


دمت بخير

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[حمد جويبر]

حزين الحرف
هكذا انت ديمه من الابداع
تمطر بكل واقعيه
دمت ياكاسر
يابن الدواسر

[نادر بن خلف العتيبي]

اخوي عبدالرحمن صح لسانك وبيض الله وجهك


تقبل تحيات اخوك ( نادر العتيبي)

[محمد الفرحان]

سأعود يامبدع

[عبد الرحمن سعد]

مزون المحمد
يسعدني ويشرفني أن تكوني اول من يرد علي
كأني ألمح هذه المتواضعة وهي تباهي بك وبردك امام اخواتها
فقد زدتي من جمالها ونورها حتى يعتقد من يأتي بعدك انه جمال القصيده
وإنما هو جمال ردك وعبق وردك اشكرك نيابه عنها وعني
لك ودي

[عبد الرحمن سعد]

أخوي سليمان العقيل
صح بدنك ولا هنت
لك ودي

[عبد الرحمن سعد]

أخوي حمد جويبر
صح بدنك ولا هنت
ألف شكر لك

[علي عبدالرحمن الأسمري]

عبدالرحمن الدوسري
صح لسانك
والى الاجمل دوما

تحيااااتي