ياسعد وش شاف مجنون ليلى بالغرام=أشهد انه وان بِلِي بلوته ياهونها
ياسعد ليلاه وان مات فيها مستهام=تدري انه بالهوى ياسعد مجنونها
المصيبه من غدى ميتٍ له كم عام=عشقته ماتدري انه قتيل عيونها
قرهدت نفسه عليها ومرّ الكبد زام=ودوك قلبه ياسعد مزّعته طعونها
ياسعد والله يالولا الولي واخشى الملام=والقرابه والحيا والهوى وجفونها
لاانهبه وانحاش واجلى جنوب ديار يام=ما يردن لو وقف جيش هتلر دونها
ياسعد راع الهوى بالهوى لاضيم شام=مايرده طول بيبانها وحصونها
وان غوى راع الهوى في هواها مايلام=لااجتمع غبن الزمن ياسعد وغبونها
ياسعد هي منوة اللي تمنى والمرام=لعن ابو حظٍ قصر ياسعد من دونها
أسمع الرعاد واخيل براق الغمام=بس مادري ياسعد وين وبل مزونها
ياسعد والله فلا اسلى هواها لاحرام=لو يلوح الشيب في لحيتي وقرونها
وخذ وصاتي ياسعد وصلّه بنت الحشام=ذي وصاتي كان غيري غدى مظنونها
لا شرت ثوب الفرح تشتري لي باع خام=يدفنوني ليلة العرس ويزفونها

المشاركة الأصلية كتبت بواسطة ليان خليل الشبرمي أبيات رائعة برغم الحزن الذي إستوطن حروفها صح لسانك وسلم إحساسك دمت بعيدا عن كل هذا ليان

المشاركة الأصلية كتبت بواسطة فواز المطيري خـليل الشــبرمي .. // ونصّ يذهب الى دار الجمـآل.. خآلداً به.. صح لسآنك حتى تمّـل.. صح لسآنك إلى مالا حدود.. لا شرت ثوب الفرح تشتري لي باع خام يدفنوني ليلة العرس ويزفونها الله يطـوّل عمرك قل امين .. // وفآئق الود. .

الأخ الفاضل

فهد الدباسي

كم شرفني حضورك
وسرنـــــــي مرورك

تحياتي وتقديري واحترامي ...

يا خليل الشبرمي شح براق الغمام=واندفق همي بقلبي وهي بطمونها
نغثرت قلبي وذيك الذكريات القدام=قبل بقعا تسحب للحظوظ بطونها
اه من مرن تزوعه كبدي بحتدام=قمت اتواما وروحي تجر اردونها
واصطفق موج المشاعر بقلبي بظطرام=واجهش الصدروطفح رمشي وسط جفونها
يوم ان ترف القدم قد قلبي بالحسام=واعلن لحالي دمارن يجيب اركونها
يا همالالي عقب كنت في القمه سنام=صرت دونه وفق ماترجمته اضنونها
ما تخاف الله تقول انتهينا والسلام=يا الله الخيره على جثتي يبغونها
كله غدا من هله ودهم مسك الختام=ما دروا بي هي نظر عيني لو يطفونها
غصة بالقلب مير اتقي الله الحرام=والا حبه بقلبي باينات خبونها
الجنون اللي بقيس الملوح والهيام=فيني الى الدفنه ابدقها وفنونها
يا خليل الشبرمي لايمك جعله يلام=لاصار جاهل ولا يدري وش هي شطونها
الهوى لا دبرةٍ به ولا عقل استقام=يجعل شيوخ القبايل تزوغ ذهونها
انتهينا وقلبي ما عقبها يوم حام=لين صادت عيوني بصمتك والحونها

خليل الشبرمي

يعطيك الف الف عافيه

على هذا الحضور الراقي

هنا

بيتين يحتاج القارئي ان يقف امامها

للتأمل في صياغتها


ياسعد راع الهوى بالـــــــــهوى لاضيم شام
مايرده طـــــــــول بيبانها وحصـــــونها

وان غوى راع الهوى فــــــــي هواها مايلام
لااجتمع غبن الزمن ياسعدوغبونها

كلام راقي وتوضيف موفق
جمله معنى حبكه

تحياتي لك