يقولون المطر قطر السحاب ، ورحلة الغفران=وانا اقول المطر حفلة جفاف بدمعة الغيمه
ضعيف ومالقي غير السكوت ، ولوعة الأغصان=تعذ ّر للورق ب/ان انكساره للعرى شيمه
تلحّف كلمتين ، ولاعرف غير السهر ميدان=( إذا جتني اباكسرها )، تلحّف ، واحتضن ضيمه
كتاباته: مضى وقت ، وعطيت وصرت انا الخسران=سؤالاته : متى ترجع ؟ ومن يبكي؟ وش القيمه؟
مكانه دفتر اشعاره00رفاته أحزن السلوان=زمانه ليلة ٍ طالت00وقلب ٍ بان تحطيمه
نعم مرّت كذا مره00ولاخاسر ، ولاربحان=تشمّت بي00وانا صمتي كتب فيها تعاليمه
أموت من القهر ، ماطلت حقي00باقي ٍ ضميان=تحسب الصمت نسيان لوداد ٍ كان ترنيمه
ومرّ من الزمن عمر الجفاف ، ودعوة الرحمن=ومر من الشعر كل الشعور00وزاد تصميمه
وجيتي وانكسارك ماعرف غير الندم عنوان=تحسبيني مثل أول خفوقي بيدك تسليمه
نسيتي يوم كنتي تنحتين الجرح بالوجدان؟=نسيتي يوم قلت ان كل طقه منك00تعليمه؟!
أنا بكره اباحكي لليالي كان ياما كاااان=هنا ، البارح قسى غصن ، وفرح في دمعة الغيمه