@دعوه للمساجله الشعريه خاصه وحصريه لرواد منتديات منابع@

[بسـام بن عبدالعزيـز]

الـ ي

ياقسى من الطعنات في حرب جالوت=وارخى من ورود الرياض الجميلـه
وياصدق من اللذه من عصارة التوت=وياكذب من الاعـذار عقب الفشيلـه
وياصغر من الزعله على لعب بيلوت=ويا اكبر من ارشادات شيـخ القبيلـه
انتي .. خلاصة خلـط لولـو بياقـوت=وانتي .. حكايـات الـف ليلـه وليلـه
وانـا .. أفكـر دايـم شلـون بمـوت=والله جابـك وإنتـي أحـلى وسيلـه

وحرف الـ هـ

[خالد ماطر]

( أسمحولي سأتجاوز القافيه نظراً لمكانه محمد الفرحان بقلبي ولايهونون كل الاخوان والاخوات

يمنابع وللعلم يابو مفلح لم أقرأها الا الان :)

واتمنى ان تكون حروفي المتواضعه يابومفلح ترضي القليل من ذائقتك العذبه

واسمحلنا على القصور :)



هم(ن) بصدري يابن ماطر قتلني = ولاشكيت الحال لايات مخلوق

.
.

حرف :
القاف

قرم الرجال اللي بطيبه شملني = لاشك وافي بالمواصيل والذوق


لا يامحمد منك قافن وصلني= لا يابعد من كان عاشق ومعشوق


ياصاحبي بالعون قافك ذهلني= شاعر وقدرك بيننا عالي ٍ فوق


الهم زايل ياعشيرن سألني = ويصبح صباحك في توافيق وشروق

اصبر وصبري ياعشيري حملني= ياما رميت الهم في وسط صندوق

والمعذره قبل وبعد من ذائقتكم العذبه :)

[محمد الفرحان]

.

.

العزيز والغالي

خالد ماطر

.

.

لاهنت وبيض الله وجهك

وياحبني لك وبس

.

.

وعودة الى

حرف الهاء

[مشاعل ابراهيم]

يستاااهل الاخ محمد ولاهنت اخوي خالد


صح لسانك مليووووون ولا يكفون

[خالد ماطر]

قرم الرجال اللي بطيبه شملني = لاشك وافي بالمواصيل والذوق

:)


وحرف القاف :)

[خالد ماطر]

لا هنت يابو مفلح وبيض الله وجهك :)


وياحبي لك انت وبس :)


ويارب اعجبتك :)

قرم الرجال اللي بطيبه شملني = لاشك وافي بالمواصيل والذوق

[محمد الفرحان]

.

.

قالت مشاعل خلنا نبتدي بقاف = وانا بعدها جيت أكتب حروفي

.

حرف :
الياء

[مشاعل ابراهيم]

يامن غدا شوووفه كما حبة الكوع=لمسه قريب وجيته مستحيله



عــــــــــــودة للحرف اللي تعودنا عليه كل يوم الــــــــــــ هــــــــــ :)

[بسـام بن عبدالعزيـز]

الـ هـ حبيب الكل

همٍ سكن في خافقي من غيابك=ماانساه لو الروح تنسى جسدها

وحرف الـ أ

[وعد الشقا]

إن قـلـت زانــت خـالـف الـوقت ظـني = وإن قـلـت هـانـت عـاجـلتني بــلاوي
أجـــامـــل ايـــامـــي ولا جــامــلـنـي =هـامـت بــي الـدنـيا هـيـام الـخـلاوي

ي