°°·.¸.°™ التوبااد ™°.¸.·°°

[أحمد الجعيد]

.
.

على اللافندر
أضعها بين أيديكم

::

°°·.¸.°™ التوبااد ™°.¸.·°°


الفضا / زمرة كواكب / كـل منهـم / فـي نضامـه
............... والـضـيـا / للشمس..والعالم / بَليّاهـا / حـزيـن

والسـؤال / اللي صفع / وجه الإجابه / بالعلامـه
............... ما عمى / عيون السهارى / لين ثارت..عين / عيـن

كنّه / اللـي يستفز / الجن / بـعروق الشهـامـه
............... يجري / فْـ عكس الرياح..وينطق بْـ غير اليقين

كيف يعني / ماانتي بْصفه..ولا انتي / من مقامـه
............... فهّميـني / ودي افهم / كـانك انتي / تفهمـيـن

يعني لجل انّه / تمرجل / حط ْ على راسه / عمامـه
............... وانتـي / بْعفة عباتك / خلف همك / تركضـيـن

صار هو / وجه الثريّا / في بياض المجد / شاامه؟!!
............... صرتي انتي / بالثرى..والقاع..واسفل / سافليـن؟!!

لا ياعيني / مو كـذا المنطـق..ولا هذا / كلامـه
............... مـا تفـوّه به / زمان..ومـا تناقلـتـه / سنـيـن

كانه غروره / تسيّطر / بثّت سمومه / سهـامـه
............... في تواضع / كبريائك / ينحني غصب / الجبيـن

يكفـي انك / لا وطيتي نجد / يتمايـل / خزامـه
............... إحترام / اجلال / فرحه..مع قدومك / مـن تجيـن

ان مشيتي..خيـزرانـه / وان تطيّرتي..حمـامـه
............... وان وقفتي / زيـزفـون..ولا قعدتي / ياسمـيـن

فـي عيونك / جنتين ٍ / "اسـأل الله السـلامـه"
............... وبْشفااتك / جمرتين ٍ..كـل مـا شبّـت / تزيـن

جامعـه / كل المحاسن..روزنامـه / روزنامـه
............... مو جمال..الا جمال / اخلاق / حكمه / طيب / دين

مـا خبرت بْداخلك / غيـر الطهاره..واستقاامـه
............... تدحـر / الشدّه..بَـشدّه / تـاخـذ / الليّن..بلـيـن

أرسلـي / سجادتك..بالنور / يتساقط / ظـلامـه
............... أشرقي / يحجب ضيائك / نجمته من / تطلعيـن

لا تهمـك عنجهيته / مـزّقـي سترة / قـوامـه
............... أضربي / عسـر الدروب..وتحـت خطواتك / تليـن

لــو بغيتي / تذبحينه / تذبحينه / بـ ابتسـاامه
............... راس ماله / "نصْف نظره" / بس لو انّـك / تبيـن

ادري سكوتك / معااني..وادري سكوتـك / وسامـه
............... وادري ان الصمت / حد الصمت موت / السافلين

لكـن الطيـب بْزمنّا / عيب..مطلوب / انعـدامه
............... مـا تحشّمـه / العيـون..ولا هو الشـي / الثميـن

ثـوري اقبال انتمايل / مـع مواويـل / النـدامـه
............... لـي متـى / وانـتـي كذيّا / تستحين / وتسكتين

شـدّي / لْجام اندفاعه /يرتخي..يتـبع / لجـامه
............... قصّـي / اليد الطويله / ترتعـد منـها / يـديـن

كـان تخشيـن / انتقاامه / لا تخافين / انتقـامـه
............... جاك واحد / لو بغاها / يقلب..يْسـاره / يميـن

بس يتجرأ / يضرّك / لآآآآآآآتوطّى / في عضاامه
............... لين يعرف / إن ربـه / حق..والعـدوان / شـيـن

وانظري / "سبع البرمبا" / كيف يتحـوّل / نعاامـه
............... مـع رجـال ٍ / ما تخاف الله / دون الظالمـيـن

دام مو قـد / الحمل / وشهو له يْوهـق / سناامـه
............... في حمل / لو كان فـوق / جباال..خلاهاا / طحيـن

ما بقى فيها / مجاال / لْـ"مهزلة" / حب وكراامه
............... يا رجـوع / بْذل..يا مرواح / "قلعـة وادريـن"

حاط دوبه / دوب حرمه..؟ / نعنبو جد / الرخااامه
............... وين ودّتـه / الفتوّه..هاللعين / ابـن اللعـيـن..!!

لو حكى / لو قال مهما قال لو قـل ّ / احتراامـه
............... انتي انتـي / مثْل منتـي / منْـه تسويـن / (40)

ما يهزّك / يا لمى "التوباد" / ريـح ٍ من / تهاامـه
............... والله لْيوصل / مدااك..ويرجع / بْـ"خفّـي حنيـن"

الكوااكب..للفضا / ديكور في / حائـط نضاامـه
............... والأصل / للشمس..والعالم / بليّاهـا / حـزيـن

.
.

ودمتم بحب...//

أحـ م ـد