الضــلع الأعـــوج لا يـــجي هــامشــيــّه !!

[نوف الميموني]

اخوي سعيد سالم

حواء تستحق الوصول الى كل مجال

ولكن من وجهة نظري لا ارى لها الحق في المجال السياسي لان الرجل اقدر بذلك منها

ولاهنت على مرورك الطيب وتعليقك

[نوف الميموني]

اخوي عبد الرحمن بن عمير


يامرحبابك اكثر


ومالشموخ الا مرورك

صح بدنك

[سعيد السالم]

شكلك زعلتي يا نوف
لكن أحب أقول لك وبدون زعل
الحياة بالنسبة لكل رجل إمرأة
السياسة إمرأه
الطموح إمرأة
الإستقرار إمرأه
حتى الدين نصف دين الرجال مره
نخرج منها
ونكبر معها
وندرس فيها
ونبحث عنها
أنا أعتقد إن 95 % من رجال العالم ما يقدرون يعيشون بدونكم
لكن 95% من الحريم إهتماماتهم ليست بالرجل

لدرجة إن الواحد إذا قال ياحياتي أكيد يقصد فتاه

صح

احترم رأيك بس الواقع يناقض كلامك وحن نمشي على الواقع

الله لا يهينك على رحابة صدرك

وأتمنى لك التوفيق

[مشعي بن بريكان]

الشاعرة نوف الميموني

صح السانك مليون مرة ..

تقبلي تحياتي واعجابي ..

[مشعي بن بريكان]

الشاعرة نوف الميموني ....
تطرقت لموضوع غاية في الأهمية ..
عبرت عن رأيها الذي نؤيدها فيه ...
تقديراً لها ولجميل ماكتبت ...احببت أن اعارضها بهذه الأبيات

مدري علام الوقت يانوف ميّال = حتى التنافس خالف الواقعية
صار التنافس بين حرمة ورجال= كلّن يقول الحق ليّه وليّه
الخوف يلبس برقع او تلبس اعقال = ونضيع في الطوشه بلايا هويّه
يانوف ياشافة كريمن لأفعال= بنت الرجال اهل الوفا والحميّة
يازين مايبقى الرجل دوم خيّال = وياحلو ماتبقى المرة انثويّة
يانصفي الثاني ترى الحق ينقال = من يجحد افعالك تجيه البليّة
يامدرسة يضرب بها دوم لأمثال = يامخرجة لأجيال في كل هيّة
وختامها يابنت لوقال من قال = تبقين تاج الراس صبح وعشية

[أكرم التلاوي]

نوف الميموني


صح لسانك ولا هنت ِ

قصيده رااائعه ذات مغزى رائع

سلمت أناملك ودام بريق حرفك

تحياتي لك ِ

[نوف الميموني]

سعيد سالم


لاهنت على مرورك لمره الثانيه


واحترم وجهة نظرك

[نوف الميموني]

مشعي بن بريكان

لاهنت على مرورك و مجاراتك الرائعه وتفاعلك مع القصيده

[نوف الميموني]

اكرم التلاوي

صح بدنك

ولا هنت على نورك ومرورك