أصعب فراق

[ليان]

مضى على رحيلك أيها الغالي ثلاثة عشر عاماً ، فأنت وإن غبت عن عيني فمكانك محفور في قلبي ، اللهم إغفر له وإرحمه وإرحم جميع موتى المسلمين . اللهم آمين .

البارحه كني على واهج النار=والعين نوم الليل صد وهجرها
البارحه ليلي سرى كله أفكار=طرى علي نور عيني ونظرها
يابوي ماهي عادتي نظم الاشعار=لكن غيابك عن عيوني قهرها
يابوي غبت ومابقى غير الامرار=وحرقه بقلبي في الحنايا أثرها
ودمعٍ أهله تالي الليل مدرار=ونفسٍ من الحرمان زايد كدرها
ثلاث وعشر سنين مرت والدار=ظلما بعد ماغاب عنها سفرها
يالله طلبتك بالخفا وقت الاسحار=ياعالمٍ في الحال واللي كسرها
يالله اجعل منزله روض وانهار=ويقطف من الجنات أعذب ثمرها
الموت حق ومنتهى كل الاعمار =بإيد الولي المعبود محصي بشرها
الموت حق وراضيه بحكم الاقدار=وهذي هي الدنيا وهذا قدرها
أصعب فراق الموت وتوديع الاخيار=أكبر مصيبه في الحياه بكبرها
أبديت مافي خاطري وبحت الاسرار=واللي نظمته قطرةٍ من بحرها