ذكّريهــا يـا قصيــده

[بسـام بن عبدالعزيـز]

السلام عليكم

تلبيـه لطلب الغالي

محمد الفرحان



متواضعه

مع الإعتذار لذائقتكم
.
.
.


ذكّريها يا قصيده
لا غديتي .. في يديهـــا
لا قرت فيك المعاني
صوّري .. واقع زمانــي

ذكّريها .. بالمشاعر
يومها هانت عليهـــا
بالليالي .. في هوانا
وينها .. ذيك الأمانــــي؟

ذكّريها
لو .. تناسَت!
أو
نِسَــت!
شخصٍ يبيهــا
ما نساها
في خفوقه .. للوفـا
طبع .. ومكانـــي

بالوفا .. عندي شهاده
نلتها .. قبل ألتقيهــــا
ما أدلّ درب الخيانه
ما أبيع .. إللي شرانــي

ودامها باعت رصيدي
للي إسمه .. مهتويهـــا
قلت أجنـّب .. أترك اللي
ما عرف
قَدري .. وشانـي

إيه .. أنا
نفسي عزيزه
لو يجيها .. ما يجيهــــا
إيه .. أنا
عندي كرامه
لو خسرني .. لو جفانــي

بس أنا قصدي
أذكـّر
يا قصيده .. ذكّريهـــا
رجعي ذكرى .. قديمه!
في خيال
اللي نسانــي

وكانها تذكر
عساها
يا قصيده .. علـّميهـــا
بالمشاعر
بالمشاعر

بالمشاعر
في كيانــــي

صدق
أنا .. أعطي عيوني
بس عنـّي .. فهّميهـــا
من يخون
أرجع أذلـّة
وأدعس برجلي
حنانــي!

نااااادمه .. أدري
وعنـّي .. علميها
ما أبيهـــــا
ورددي
من خان خِلـّه
ماله بقلبي مكانـــي

ورددي
من خان خِلـّه
ماله بقلبي مكانـــي

.
.

و ت س ل م ~ ق ل و ب ك م

المشعل