ديمــــــة غــــــــــلا

[القمر غير]

مساكم ورد

بدايةًَ أحب أن أشكر أخي محمد الفرحان على تقديم دعوته الكريمة

والشكر موصول أيضاً لكافة القائمين على هذا المنتدى الراقي ..





حضور أول



سرحت بالفكر في دنيا الجمال

ورسمت لك صورة من وحي الخيال

هي صورة أغليتها

ولما غابت وماشفتها.....عاتبتها

وأقولها

ترى الغلا فـ الروح باقي فديتك

جيت أرسمك من لوعة الحب تحنان
....................... واختل فكري بالهوى ماعطيتك

ريشة يصورها العتب قلب ولسان
..................... فيها انعكس صوت العتب لابغيتك

ريشة يخططها الهوى بفكر فنان
........................ ياما وياما بدم فكري شريتك

ياحلم شفته في فضا الكون انسان
.................. ومن صافي اللحظات شهد سقيتك

هذا عذابي يوم أنا أجيك حيران
...................... تشكي ويشكي الهم وأنا شكيتك

الشوق في صدري ترى صار بركان
................... لامن غديت عن ناظري ولا لقيتك

وش ذنب قلبٍ من عنا الوقت ذبلان
...................... عوّد تراني اليوم بالحب جيتك

جيت أنثر أشواقي لك ورود وألوان
................... مرساك وجه الغيم و القلب بيتك

الديمة اللي شوقها فاض هتان
.................... ترسم رذاذ الشوق لامن دعيتك

صوت الغلا غنى على شانك ألحان
.................. ياذا الحبيب اللي من الله هويتك

ارجع وشوف اللي من العام ولهان
...................... لك مسكنٍ بالقلب ياما نصيتك

بالله ياقلب له الطيب عنوان
.................. شف الغلا فـ الروح باقي ..فديتك