ذوقك هو الأجمل .. أختر قصيدة وأعرض ما أعجبك بها من أبيات

[بروق السحايب]

هلا وغلا بأحلى نغم ..

........................

[بروق السحايب]

اجتمع مع وحدتك وان حلّت الضيقات قوم
عن رديٍ بالردى,.., يشعل خيوط المشكله
///
وان بدا لك جرح مايستره من جوّك غيوم
امطر اعيونك بليله واستر اللي.,,, تحمله
///
للردي لاتبدي اللي بالصدر.,,, خلك كتوم
وان خذلك الوقت حاول بالوفى., ماتخذله
///
وان عن الحاجه,.., تعذر لك رفيقٍ لاتلوم
اعذره مادام حاله.,, مثل حالك..,, غربله
///
الظروف احيان ماتعرف علوم.,. ولا سلوم
والسلوم احيان ماتعرف ظروف..,,, الاوله
///
يارفيقي.,, فعل واحد. لاتعم.,, ابه العموم
الوفى والطيب.,. عايش بالبشر.,, لاتقتله
///
تعرف ادروب الكرم ماتجهل ادروب الرخوم
لانصاك الرجل قل للذيب..,, تخسى منت له

لسلمان الكناني

[ذكرى للأبد]

انـا ويـاك يالحرمـان فـي الدنيـا غدينـا اخـوان
مسيرتنـا ســوا فــي كــل حاضـرنـا وماضيـنـا
,
مشيـنـا فــوق درب السـهـد والآلام ولأحـــزان
حيـارى فـي خضـم التيـه ماتـرسـي مراسيـنـا
,
تباشيـر السعـادة عــن نظـرنـا لفـهـا النسـيـان
وفـوق اهدابـنـا مـاتـت مــن الحـسـرة امانيـنـا
,
على درب الالم تمشي مواطينـا علـى النيـران
ظـلام الـيـاس ينشـرنـا عـلـى حبـلـه ويطويـنـا
,
ترانيـم الهنـا فـي يـوم مولدنـا غــدت صلـبـان
صلبـنـا فوقـهـا مــن غـيــر ماتـجـنـي ايـاديـنـا
,
تعوضنـا عـن البلبـل وشــدوه نعـقـه الغـربـان
وعن غصن الزهر غصن بعكف الشوك يدمينا
,
هـــلا بـالـلـي يـبــي يـنـظـر شـقــوة الانـســان
يـجـي ينـظـر تجسـدهـا بـكـل اطـوارهــا فـيـنـا
.


قصيدة الحرمان

للأمير/عبدالله الفيصل

[محمد الفرحان]

.

.

اجمل مافي الابيات ان شاعرها جعل
من الجروح هدايا والعكس:

.

.

عطرك كسرته وخاتمك طاح بالقاع = مابي هدايا دام جرحك وراها

مابي هدايا شايله كل الاوجاع = هديتك جرح الزمان اشتكاها

صوتك رفضته لو ملى كل الاسماع = سمعي حروفك باعها مابغاها

ارحل وودع من غدا منك مرتاع = حملت قلبة حسرةٍ ماقواها

حطمتني في الحب ابشوق خداع = صدق خفوقي لهفتك واحتواها

خليتني مركب محطم بلا شراع = هديتك جمرة خفوقي وطاها

.

.

[نغم]

السلام عليكم
اسعد الله مسائكم بالخير والمسرات
جميله ومعبره
اتمنى ان تعجبك يابروووق
،،،،، ياطويق،،،
ياطويق فاح العبير وفاحت الدله،،
حنا ورى حلمناتركض خطاوينا،،
ياطويق راسك ركزنا العشق في ظله،،
لاتلحق الحال شرهه كل ما جينا،،
وش حيلة الخل لامنه بغى خله،،
مدام هذي مطالبنا وامانينا ،،
ياطويق قلبي ماكل انسان يقبله،،
لو العذارى تسوق المووج للمينا،،
عشت وشربت التعب دقه وجله،،
من شان هقوة عزيز هاقي فينا،،
عشناوكلن ايامه تخيل له*
،، صورة لمستقبل يرقب حراوينا ،،
اثنين نطوي شريط العشق ونهله،،
لو تنشد الشمس نادتنا باسامينا،،
نخاوي الليل ماتطري لنا الذله،،
شواهد الحال في الدنيامسارينا،،
واليا سرى الشوق في الشريان واحتله ،،
عز الله ان البحر ماعاد يروينا،،
واليوم لغز التعب في الوجه من حله،،
مادامه الظلم يرفعنا ويرخينا ،،
ندق هيل التعب بالعزم ونزله،،
من محجر العين لين العين ترثينا ،،
لو نعتذر عذرنا ماهو على المله،،
مستقبل العشق يشره فوق ماضينا ،،
للوقت غدره وتجتاح العمر كله،،
اشوفها فوق شوك الظلم ترمينا،،
يأول الناس في قلبي ولا بالله،،
الا اخر الناس يسكن في الشرايينا،،
عشنا نزف الغلا في القلب ونجله،،
نكبر وتكبر مع الدنيا هقاوينا،،
والوقت ظالم ولا لحظوظنا طله،،
عمري وعمرك غدى ماظن يمديناا ،،،
*

[بروق السحايب]

الله عليك يا نغم

أصبحتي لا تعزفيني إلا نغم مؤلم ما فتئ يلازمني

تسجيل هذه القصيدة يرافقني بجوالي

وأضفت لها تسجيل هي الذكرى التي شاركتي بها مسبقا

أنت نغم مميز في منابع يا نغم

[بروق السحايب]

إليك هذه القصيدة لنفس الشاعر " مرزوق العتيبي "

..

.




عمر السفـن ماتشتكـي مـوج الابحـار = وكـــل شّــيــن لــــه بــدايــه ونـهـايــه
والدلـه الـلـي ترتـكـي بـطـرف الـنـار = تــهــدي فـنـاجـيـل الــكــرم للهدايـــــه
كـانـت نـوايـا خـيـر بعـيـون الاذكــار = والـحـيـن فـتـنـه وإحـتـمـال وغــوايــه
اسرجت لك في خاطري حلم وافكـار = وهــذي عيـونـي تعتـنـي بــك عـنـايـه
ماجيـتـك الا والخـبـر مـفـرح وســار = ولارحــت عـنـك إلا مـعـاك المـرايـه
فيهـا تشـوف الرمـز والمبـهـم أنــوار = وتـقـدر تـعـرف لـكـل مـعـنـى كـنـايـه
التـجـربـه درس ومفـاهـيـم واعــــذار = دام الوسـيـلـه عـذرهــا كـــان غــايــه
ماشوف انا داعـي علـى شـان تحتـار = وتعـيـش ماضـمـة فـصـول الـروايــه
وتـكـتـب وتـقــرأ ماكتـبـتـه وتـخـتـار = مـن اللـي كتبـتـه فــي مـسـار القـرايـه
وتسافر مادامك تحتمل ظلـم الاسفـار = بضنـون درب الـلـي جـهـل بالحكـايـه
مـادامـي الـلــي ماتـعـديـت الاســـوار = هـــذا مـــداي بـداخـلـي وش خـطـايــه
نثـرت لـك لـون الزمّـرد علـى = هـــذا مـــداي بـداخـلـي وش خـطـايــه
وصّخرت لك معنى وصوره وتذكار = وصافحـت صبـح المجـد لعـيـون آيــه
هــذا وانــا مستعـجـل وتـوّنــي مـــار = مـاخـذت مــن وقـتـي مـعـاهـا كـفـايـه
وشلـون لـو اعيشـهـا سـبـر واغــوار = كـان احتمـال الوقـت يطلـب رضـايـه
تحفظبهـا حـقـوق ورجاجـيـل واقــدار = وفيـهـا عـــن الـشــر الـمـقّـدر وقـايــه
دام النـوايـا بـيـض واخـوانـي طـهـار = ابـعـد مــن ظـهـور الـكـواكـب مـدايــه

حق الخوي والضيف محفوظ والجار = أبـــدن. ولانـحـتـاج فـيـهــا وصــايــه

[ذكرى للأبد]

والله انى كنت ألوم اللى يضيق أن غاب خله
لين جربت المحبه والفراق وقلت توبه
لعنبو جد المفارق فيه هم وفيه ذله
أثر كل الحب لذه والفراق أكبر عيوبه
امس فارقت الغلا ومفارق الخلان عله
والعلاج الوصل لا تبلش طبيب ولا حبوبه
الزعل هو سبه الفرقا يهز الحب كله
ليتنى طولت بالى قبل لا يعلن غروبه
وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه
عارفً قدره.. وقدر اللى يحبه فى محله
ذاك نفسه لا حشا ماهى على الحب مغصوبه
ليش تحسب غلطه الصاحب على الصاحب مذله
ليش ماتحسب ميانه لو تجى عشرين نوبه
لا وربى.. كنت أحبه حيل مادورت زله
لا تشكك فى غلاه ولا تساعد فى هروبه
لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه
وأثر كلن فى حياته له تجارب مستقله
وانت لا تشره على مثلى وتبلا لك بحوبه
كان جابتك.. الحميه روح له تكفى وقله
لا يخلينى واذا وده يخفف من ذنوبه
يستخير وله غلا قلب صدوق مايمله
فدوة له كل قلبي من شماله لى جنوبه
يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه
لا تقهوى بارده من برد فنجاله وزله
ثم قربها على جال الجمر وأرهى شبوبه
وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه
لا طرى جريت ونه من بلاده مستحله
مثل ماراحت بلادى مع شعارات العروبه
كل هاجوس يجيبه جعل شعرى فدوة له
وأعذابى كل ماجبت لى الجبله هبوبه
مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه
ماسمعت ان الخوي له بالخوي تسعين زله
وانت طوف زلتى ياعل تفداك اللعوبه
صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه
ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه

راقت لي فنقلتها لكم

حمد السعيد

[بروق السحايب]

يا رفيقي والله انها ما تبور الصحبه = لو تغيرنا الظروف ونلتهي في الدنيا

[بسكوته]

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري
صح لساانك