رشة عطر >>> لذائقتكم من الأبيات الشعرية

[لون الثلج]

:

كأس مليته بالوفاء لا تكبه
...... خله يبلل بالوصل يأبس الريق

.

[لون الثلج]

:

لي صــاحـبٍ كل الحــلا في عـــنـــاده
.... ارقـا هـــمـــوم الــوقـت ويـصــيـر ضـدي
قال الــــغـــلا قـلت الــغــــلا في زياده
.... واكبر طـمـوحي لا جــلسـت انت عــنـدي
قال الــقـمــر قلت الـبـلا في بـــعــاده
.....ودي بــقـربـــه مــيـــر اشــوفـه يــصـدي
قال اتــركــــه قلت اسـتــلــذ بـــوداده
.......اشــرب جـــروح الــصـد واسـقـيـه ودي
قال الــقــهــر قلت ادري انــي مـــراده
.......وادري يــبــادلــنـي غـــلا فــوق حــدي
دايــم يـعـانــدنــي وامـــــوت بـــعــنــاده
.....يـــجـي مـعـي أحــيـان واحـيـان ضــدي

.

[محمد الفرحان]

.

.

ابيات أعجبتني وسيكون لي

أكثر من عودة ان شاء الله

سود الليالي باعدت كل محبوب = ياما وياما فرقت كل غالي
ياما وياما كدرت كل مشروب = هذي عوايدها على كل حالي
معلوم مايجري على العبد مكتوب = كل(ن) يقول الوقت ماهو صفالي
ياناشد(ن) عني ترى القلب مقضوب = بين الرجا والياس ياعزتالي
ياحول انا قلبي جريح(ن) ومصيوب = على حبيب(ن) لي تصور قبالي
شخص(ن) يزول لي وانا عنه محجوب = بيني وبينه ماحصل له ولالي
ان عشت بالدنيا ترى الحق مطلوب = آخذ جزا الاول واحاسبك تالي

شكرا لكِ سراب ولاعدمنا هذا

التواجد المؤثر . .

.

.

تقبلي فائق تقديري واحترامي

[لون الثلج]

:

سو الجمايل وازرع الطيب بالناس

.......تري طريق الطيب مابه حسافه

[لون الثلج]

أبوي اللي ولا مثله بها لدنيـا ولا بيكون
.......أبوي اللي خذاه الوقت عن عيني وقفا به

أبوي القلب من بعده يتيم تايه محـزون
.....يبي يذكر ولا يذكر سوي الحرمان وأسبابه

أبوي ابكيه بالظلما وأنا وحدي ولا يدرون
....يعذبني صدي صوته وضحكاته وترحابـه

أدور له علي طيف أضمه في ظمأ لعيون
.....وأدور له علي ذكري الي تغطيت بثيابـه

.

[بروق السحايب]

المشاركة الأصلية كتبت بواسطة لون الثلج

أبوي اللي ولا مثله بها لدنيـا ولا بيكون
.......أبوي اللي خذاه الوقت عن عيني وقفا به

أبوي القلب من بعده يتيم تايه محـزون
.....يبي يذكر ولا يذكر سوي الحرمان وأسبابه

أبوي ابكيه بالظلما وأنا وحدي ولا يدرون
....يعذبني صدي صوته وضحكاته وترحابـه

أدور له علي طيف أضمه في ظمأ لعيون
.....وأدور له علي ذكري الي تغطيت بثيابـه

.

رشة عطر مبخرة بالعود المعتق


:rose:


لاتحرمينا من عبق عطرك لون الثلج

[بروق السحايب]

محمد الفرحان

مجرد مرورك على هذا المتصفح كفيل بنشر عطرك الخاص فيه


تظل اختياراتك مميزة ولها صداها الرائع في ذائقة قارئها

دمت بخير



:rose:

[بروق السحايب]

	طعنة بدوي لطلال السعيد يا علي لنشدوك أش قصته منطوي= قلهم ما بقلبه للسعاده مكان. أختلف عقب ماهوكان شخصٍ سوي= وانحرف عقب ماهو قمة الأتزان ماهو من اللي يقولون البقى للقوي=لو تراهنت معهم قد كسبت الرهان والله أني قوي لاشك ماتستوي= قوةً مع خيانة من عطاك الأمان أمس طاح الوفاء من دون صوت ودَوي= طيحةً ماسمعها إلا الزمن والمكان يوم جتني من أقرب صاحب تلتوي= كل شيئً تحطم في عيوني وهان طعنةً من خويً في زمن ضوضوي= لاكتمها خفوق ولانطقها لسان قبلها في خفوقً صادقً يحتوي= نص كله وفاءونص الآخرحنان وعقبها كنه وسطه ذيب غدر يعوي= منه بيض النوايا ستاحشن يا فلان بيض الله وجه الموقف الملتوي= يوم بين رفاع ويوم بين طمان يا علي كن رجلي في قليب تهوي=غشني جالها ماكنت اظنه دفان غلطتي دنيتي ماعشتها بهلوي=كان ماخانت الرمله يدين الحصان ياعلي شفت طعنات الخوي للخوي=مالها بالوصوف إلاطعون الزمان آآه ون جتك طعنه من يدين بدوي=مابقى للمراجل في زمنا أمان

[بروق السحايب]

الصاحب اللي ما تطولك حسانيه = ويرقع صوابك بالسنين العجافي
خله يولي وش تبي منه ترتجيه = تلقى بداله بالجزيرة سنافي
أبوس خشمه وأنشده ويش لونه ؟ = ومحبتي له ما وراها طمايع
وأقدره وأشاركه في حزونه = وأثره عدو(ن) لي خبيث الطبايع
أكحل عدوك لين تعمي عيونه = ألبس له أغلى اللبس لو كنت جايع
لو عشت عمر شعيب وأنت بمهونة = ضايع وما تقضي من العمر ضايع
والعز يوم يغامر الرجل دونه = وأعمار غيرك مثل عمرك ودايع
وإذا لقيت أهل الدهر يشتكونه = لا تشتكي دهرك على قل ضايع

للشاعر خلف بن هذال العتيبي

[بروق السحايب]

	جاملت واغضيت وتسامحت واصلحت =وقلت الحقيقة والعزاء اني صريحـي مايـوم والله خنـت والا تمصلحـت =حتى عـن اعدايـه بذمـي شحيحـي لعاقل الزيد رحمه الله