.. المسافر ..

[ليان]

.. المـــســـافر ..

وترحل ..

ولايبقى سواي .. وإنتظاري ..

وحروفٌٌُ إجتمعت أمامي لتكوّن قصائد صاغتها مشاعرك العذبه وبها وعدك بالعوده ..

وهاأنا لازلت .. أنتظر ..

يطري علي كل ماذعذع اعصير

يومٍ تودعني وأنا في نكاده

تبي تصبرني على البعد ياامير

أهديت لي ورد وقصيد وقلاده

الله يرد ياالمسافر على خير

وتقرّ عينٍ دمعها صار عاده

الود ودي أسبق السرب وآطير

ماعاد فيني صبر مابيّ جلاده

تدري غيابك دمّر الحال تدمير

وأصغر طموحي إنقتل في مهاده

وتدري بأني بعدكم ماني بخير

جيش الحزن سلّم عيوني القياده

من غبت عني والنواظر مساهير

وليلي عقب فرقاك أقبل هجاده

الشوق فيني ينتظر منك تبرير

على فراقٍ طال وأضنى فؤاده

وتقول ماانسى نور كل الغنادير

حبك حياة القلب غاية مراده

تبقين أنتي ياالغلا بخافقي غير

وأنا أهوجس كيف بقوى بعاده؟

وتقول لك مني معزه وتقدير

وأقولك نزف القصيد ومداده

والله يردك ياالمسافر على خير

وتفرح عيوني بشوفتك في سعاده ..


تـــقـــديري ..

[/align][/size][/size][/B][/align][/size][/color][/size][/size][/mark][/B][/align][/size][/color]