(( القصيدهـ و الضمير الحي ))

[سـعـد الـعـتـيـبـي]

بسم الله الرحمن الرحيم



السلام عليكم ورحمة الله وبركاتة

لكم .. وارجوا ان تحوز على رضاكم

يرتعش مابين اصابيعي قلم .. قبل الكتابه=واشعل بحرف القصيد المورق بداخل هجوسي
لجل ادفي دمه البارد ويغرس لي بنابه=بذرة غصون القصيد .. بصفحةٍ تعشق دروسي
قلت !! ودّك بالغزل !! يا حلوتي .. اسكب شرابه=قالت اسكب ياحلو !! و اطرب على ضرب الكؤوسي
قلت.. اخاف اليا تعالينا ! ولامسنا السحابه=نلمح التفجير والتبشير والحرب الضروسي
قالت (( اش جاب الكلام اللي يؤدي للكآآآبه=خلنا في جوّ ..رايق لا يهودي ولا مجوسي ))
قلت.. طبعي ..!! كل ما جيت اغمض جفوني ولا آبه=ينقض احلامي السعيده..واقع الحال العبوسي
ويتراءى لي طفل يبكي و يسأل ( وين بابه )=و أم تبكي طفلها الميت من أخطاء النجوسي
وشيخ كفه !! عاجزة عن وجهه تهش الذبابه=خاضع ٍ لسياط من لا يرحم بوسط الحبوسي
قالت..( اسكت بس ! كنك جبت راس غليس يابه=شي طبيعي اعتادت الأعين و عوّدنا النفوسي
روح واطرب بالأماكن أو تسمّع للربابه=أو تفرج في الخليجيه على رقص العروسي
يا معني نفسك الدنيا كذا تمشي .. ولا به=للضمير الحي موقع في ذراها للجلوسي )
قلت.. خليني و روحي .. واتبعي فكر العصابه=ورابطات الخصر خسرات الجسد دينا ولوسي
و إن لمحتيني على ثغر القصيد أزهب حرابه=لا تجين إلا معززت الجناب ومن تروسي
وإلا خلك .. في طرف من لا يعرفون الصحابه=تابعين الناي و اهل الهاي واصحاب الفلوسي

وسلامتكم,,
سعد العتيبي