دلة بطآلة عمل

[محمد الزهراني]

......................................
.............................
.........................
...............
.........
....
..
.
.
.
.
.

البارحة في تالي الليل زارن =بيض(ن) وسمر وشقر لحظة مباتي
عيّن على نومي بليلي وعيّن=في ليلهن إيسود صمت وسكاتي
قلت اسمكن قالن قصايد لمن كّن=عن صمت بحرك يامحمد إعصاتي
فيهن ثلاث(ن) من ثلاث(ن) تحنّن=وإليا تحنن حرمن البناتي
ومعهن ثلاث(ن) للثلاثه تثنّن=من عاصيات(ن) إنثنن طايعاتي
ومنهن قصيدة قبلهن قابضة لن=كلمه على فمها تردد وصاتي
قلت ارحبن مير اصبرن وتهادن=شفي على الفنجال مانتن شفاتي
من دلة(ن) ماتقبل اللي يهاون=عنها وتفرح بالنشاما السراتي
كفي تداريها وانا اللي معايّن=مكانها في ضوّها من سواتي
فمها اقدم له من البن وازن=ماها وإذا شحيت تمدح عطاتي
وامدها بقنادها وقت تاذن=باخت(ن) لها وازلها في ثباتي
واصبر عليها صبر ماجد وماكّن =ماني عليها عجل تضحك شفاتي
تِسكِر بريحتها واقرّب عيالن=من تحتها يرجونها من رجاتي
واختار واحدهم وامده وازامن=واسقيه منها كيف ابغى سقاتي
فنجال ابن بادي يقدم ولا اظن=غيره يقدم للنشاما وياتي
وانتن تعالن بعد هذا وهاتن=واللي تبنه مأيرده شراتي
قالن خلاص إحنا خذينا وراحن=وانا خذيت اللي مداده دواتي
ومن بعدها صليت ضاهر وباطن=وعلى النبي سلمت بعد الصلاتي

.........وسلامتكم........
محمد الزهراني
من..بحور الصمت
.....................

ارجو المعذره على عدم التنسيق وذلك لاني لا اجيده فنه وعلمه.
كما ارجو ان تعذرون وتسمحون لي على هذه البداية المتواضعة
وتسلمون جميعا.

اخوكم
محمد